2024-10-30 11:25:24, 375 ნახვა
მსოფლიო
უნგრეთის საგარეო საქმეთა მინისტრი ბელარუსში, ევრაზიის უსაფრთხოების კონფერენციას დაესწრება
უნგრეთის საგარეო საქმეთა მინისტრი პიტერ სიიარტო ბელარუსში ჩავა, სადაც ევრაზიის უსაფრთხოების კონფერენციას დაესწრება. ამის შესახებ ინფორმაციას Politico ავრცელებს.
მედიის ცნობით, სიიარტოსთან ერთად, მინსკის კონფერენციაში მონაწილეობას რუსეთის საგარეო საქმეთა მინისტრი სერგეი ლავროვი და სირიის საგარეო საქმეთა მინისტრი ბასამ ალ-საბაღიც მიიღებენ.
ბელარუსის საგარეო საქმეთა სამინისტროში განაცხადეს, რომ კონფერენციაში მონაწილე ქვეყნები ევრაზიის უსაფრთხოების მომავალს განიხილავენ.
სიიარტო კონფერენციაზე სიტყვითაც გამოვა.
ავტორი: ექსპრესნიუსი,
epn.ge (@expressnews.ge)
