2024-10-23 09:04:40, 613 ნახვა
ომი უკრაინაში
ბუდანოვი - ჩრდილოეთ კორეელი სამხედროების პირველი დანაყოფი დღეს კურსკის ოლქში ჩავა
ჩრდილოეთ კორეელი სამხედროების პირველი დანაყოფი დღეს კურსკის ოლქში ჩავა,- ამის შესახებ უკრაინის თავდაცვის სამინისტროს მთავარი სადაზვერვო სამმართველოს უფროსმა, კირილ ბუდანოვმა The War Zone-სთან ინტერვიუში განაცხადა.
როგორც ბუდანოვმა აღნიშნა, ჯერჯერობით უცნობია, რა რაოდენობის ჩრდილოკორეელი ჯარისკაცი დაეხმარება რუსებს უკრაინის თავდაცვის ძალების წინააღმდეგ ბრძოლაში და როგორი იქნება მათი აღჭურვილობა.
"პირველ დანაყოფებს კურსკის მიმართულებით 23 ოქტომბერს ველოდებით",- აღნიშნა ბუდანოვმა.
შეგახსენებთ, სამხრეთ კორეის სადაზვერვო სააგენტომ 18 ოქტომბერს განაცხადა, რომ ჩრდილოეთ კორეამ, რუსეთის მხარდასაჭერად, 12 000 სპეცრაზმელის გაგზავნის გადაწყვეტილება მიიღო.
ავტორი: ექსპრესნიუსი,
epn.ge (@expressnews.ge)
