|
2024-10-18 13:22:07, 375 ნახვა
საზოგადოება
კალაძე - ისეთ ორგანიზაციებს აქვთ პრეტენზია წარმოჩნდნენ, როგორც დამკვირვებლები, რომლებიც რეალურად რადიკალური დაჯგუფებები არიან
მივესალმებით სადამკვირვებლო ორგანიზაციების ჩართულობას, მაგრამ ისეთ ადამიანებს და ორგანიზაციებს აქვთ პრეტენზია, რომ წარმოჩნდნენ, როგორც დამკვირვებლები, რომლებიც რეალურად არიან რადიკალური დაჯგუფების და სექტის წარმომადგენლები,- ამის შესახებ თბილისის მერმა, კახა კალაძემ დღეს ჟურნალისტებს შესაბამისი კითხვის პასუხად განუცხადა. "ზოგადად, ჩვენ მივესალმებით, რომ არჩევნებს აკვირდება ეუთო/ოდირი, მივესალმებით სადამკვირვებლო ორგანიზაციების ჩართულობას, მაგრამ აქ არის მეორე თემა: ისეთ ორგანიზაციებს და ადამიანებს აქვთ პრეტენზია დაკვირვებაზე, აქვთ სურვილი, რომ წარმოჩნდნენ როგორც სადამკვირვებლო ორგანიზაციები, რეგისტრირდებიან, "ჩემს ხმას" "პეტრეს ხმას", "პავლეს ხმას" ირქმევენ, მაგრამ რეალურად ესენი არიან იმ რადიკალური დაჯგუფების და სექტის წარმომადგენლები. ხომ ვიცით ყველა სახელებით და გვარებით. რაც არ უნდა დამკვირვებლები დაირქვან, საზოგადოება იცნობს მათ და კაპიკია მათი შეფასებების ფასი, ნულის ტოლია. რაც შეეხება იმ განცხადებებს, რაც ბოლო დღეების განმავლობაში გვესმის, რა თქმა უნდა, პირდაპირი ჩარევაა ქვეყნის შიდა პოლიტიკურ საქმეებში და მით უმეტეს, საარჩევნო კამპანიაში. ყველანაირი ზღვარი გადალახეს და მათ ყველას 26 ოქტომბერს ჩვენი ქვეყნის მოსახლეობის უმრავლესობა გასცემს პასუხს",- განაცხადა კახა კალაძემ.
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



