2024-10-17 14:21:59, 569 ნახვა
ომი უკრაინაში
რუტე - ალიანსის მიზანია უკრაინისთვის ისეთი პირობების შექმნა, რომ კიევმა რუსეთთან სამშვიდობო მოლაპარაკებები ძალის პოზიციიდან აწარმოოს
ალიანსის მიზანს წარმოადგენს უკრაინისთვის ისეთი პირობების შექმნა, რომ კიევმა რუსეთთან სამშვიდობო მოლაპარაკებები ძალის პოზიციიდან აწარმოოს,- ამის შესახებ ნატოს ახალმა გენერალურმა მდივანმა, მარკ რუტემ ბრიუსელში, ჩრდილოატლანტიკური ალიანსის თავდაცვის მინისტრების შეხვედრაზე განაცხადა.
როგორც რუტემ აღნიშნა, "ამ მომენტამდე, უკრაინას ნატოს მხარდაჭერის გაგრძელების იმედი უნდა ჰქონდეს", რუსეთის პრეზიდენტმა, ვლადიმერ პუტინმა კი, "არ უნდა იმედოვნოს, რომ ეს მხარდაჭერა შემცირდება".
"ეს არის ის, რისი ვალდებულებაც ჩვენ გვაქვს და რაზეც მუდმივად მესმის ნატოში გამართულ მოლაპარაკებებზე",- ამბობს რუტე.
მისივე თქმით, უკრაინა ნატოს 33-ე წევრი გახდება, მაგრამ "შესაძლოა, მათ წინ სხვა ვინმე აღმოჩნდეს".
ავტორი: ექსპრესნიუსი,
epn.ge (@expressnews.ge)
