2024-10-14 17:53:07, 459 ნახვა
საზოგადოება
კახეთში ავარიას ერთი ადამიანი ემსხვერპლა - დაშავდა 3 პირი
კახეთში, გურჯაანის მუნიციპალიტეტის სოფელ ვაჩნაძიანში ავარიას მსხვერპლი მოჰყვა. ამის შესახებ ინფორმაციას "კახეთის ხმა" ავრცელებს.
მათი ცნობით, ცენტრალურ გზაზე ერთმანეთს საპირისპიროდ მოძრავი 2 მსუბუქი ავტომობილი შეეჯახა. შედეგად ახალგაზრდა ქალი, რომელიც ავტომობილს მართავდა, ადგილზე გარდაიცვალა, ხოლო 3 ადამიანი მძიმედ დაშავდა.
სასწრაფო სამედიცინო დახმარების ჯგუფმა დაშავებულები თელავის საავადმყოფოში გადაიყვანა.
ადგილზე მობილიზებულია საპატრულო და სამაშველო დახმარების ბრიგადები. შეფერხებულია სატრანსპორტო გადაადგილება.
ავტორი: ექსპრესნიუსი,
epn.ge (@expressnews.ge)
