2024-10-12 17:48:47, 442 ნახვა
მსოფლიო
გროზნოში ბენზინგასამართ სადგურზე აფეთქება მოხდა
გროზნოში ბენზინგასამართ სადგურზე გაზის ავზი აფეთქდა. ამის შესახებ ინფორმაციას რუსული პროპაგანდისტული მედია TACC-ი საგანგებო სიტუაციების სამინისტროზე დაყრდნობით ავრცელებს.
მედიის ცნობით, აფეთქების ტალღამ ავზი საცხოვრებელი სახლის ეზოში გადაისროლა, რამაც შენობის ნაწილი დააზიანა. ასევე დაზიანებულია რამდენიმე ავტომობილი.
ადგილზე 900 კვადრატული მეტრის ფართობზე ხანძარი გაჩნდა.
ინციდენტთან დაკავშირებით ჩეჩნეთის პროკურატურამ გამოძიება დაიწყო.
ინფორმაცია მსხვერპლისა და დაშავებულების შესახებ ჯერ უცნობია.
ავტორი: ექსპრესნიუსი,
epn.ge (@expressnews.ge)
