2024-10-11 09:14:17, 391 ნახვა
მსოფლიო
ფლორიდაში ქარიშხალ „მილტონს“ 16 ადამიანი ემსხვერპლა
ამერიკის შეერთებულ შტატებში, ფლორიდის შტატში ქარიშხალ "მილტონს" 16 ადამიანი ემსხვერპლა. ამის შესახებ ინფორმაციას CBS ფლორიდის სამართალდამცავ დეპარტამენტზე დაყრდნობით ავრცელებს.
მედიის ცნობით, დაღუპულთა რიცხვი, შესაძლოა, კიდევ გაიზარდოს, რადგან მაშველები მუშაობას განაგრძობენ.
ქარიშხლის გამო, რომელმაც შტატში ტორნადო, წყალდიდობა და შტორმი გამოიწვია, დაახლოებით, 3 მილიონი კერძო სახლი ელექტროენერგიის გარეშეა დარჩენილი.
"უახლოეს დღეებში მეტი წყალდიდობაა მოსალოდნელი. ფლორიდის მცხოვრებლებს ვაფრთხილებ, არ ეწვიონ ქარიშხალ "მილტონის" მიერ დაზარალებულ ტერიტორიებს",- განაცხადა შტატის გუბერნატორმა, რონ დესანტისიმ.
ავტორი: ექსპრესნიუსი,
epn.ge (@expressnews.ge)
