10 ოქტომბერი ფსიქიკური ჯანმრთელობის მსოფლიო დღეა - თარიღთან დაკავშირებით, აჭარის ჯანმრთელობისა და სოციალური დაცვის მინისტრი ნინო ნიჟარაძე, პირველ მოადგილე მარი ზანაქიძესთან ერთად, ბათუმის სამედიცინო ცენტრში - BMC იმყოფებოდა.

მინისტრმა პაციენტების ნამუშევრების გამოფენა დაათვალიერა და სამედიცინო პერსონალთან სამუშაო შეხვედრა გამართა.

"მოხარული ვარ, რომ ფსიქიკური ჯანმრთელობის შესახებ საზოგადოების ცნობიერება გასულ წლებთან შედარებით ამაღლებულია. მოიხსნა სტიგმა, დისკრიმინაციული მიდგომები და უკვე ადამიანები თამამად საუბრობენ ამ საკითხზე. ჩვენ მოვინახულეთ პაციენტების მიერ შექმნილი ნამუშევრები და სამედიცინო პერსონალთან გავმართეთ შეხვედრა. გავაცანით ყველა სიახლე, რომელთაც 2025 წლისათვის სამინისტრო გეგმავს, არა მხოლოდ ფსიქიკურ ჯანმრთელობის, არამედ  ჯანდაცვის სხვადასხვა პროგრამებისა თუ სოციალური სერვისების მიმართულებით. რაც შეეხება ფსიქიკური ჯანმრთელობის მქონე პირთა მხარდამჭერ პროგრამებს, სახელმწიფო ფარავს ყველა ძირითად საჭიროებას, ხოლო აჭარის ჯანდაცვის სამინისტრო აფინანსებს ფსიქიკური პრობლემების მქონე და გერიატრიული პაციენტების თავშესაფარს, სადაც ჯამში მუდმივად 146 ბენეფიციარია ჩართული. სახელმწიფო პროგრამის პარალელურად ყოველწლიურად მზარდია პროგრამების დაფინანსება. მაქსიმალურად ვცდილობთ ყველა ის გამოწვევა, რაც პროგრამის განხორციელებისას   იკვეთება მინიმუმამდე დავიყვანოთ“, - აღნიშნა ნიჟარაძემ.

აჭარის ჯანდაცვის სამინისტრომ პროგრამა 2017 წელს აამოქმედა და მისი მიზანია ფსიქიკური პრობლემების მქონე გერიატრიული პაციენტების თავშესაფრით უზრუნველყოფა. პროგრამის ბენეფიციარები არიან ხანდაზმულები, ფსიქიკური პრობლემების მქონე პირები, რომელთა მართვა სახლის პირობებში შეუძლებელია და ამავე დროს ვერ აკმაყოფილებენ სტაციონარული მომსახურების პირობებს.

სამინისტრო ასევე ახორციელებს „ფსიქიკური აშლილობის მქონე შშმ პირთა საცხოვრისით უზრუნველყოფის“ პროგრამას, რომლის ფარგლებში 24 საათიანი სერვისი მიეწოდება 96 ბენეფიციარს.

ფსიქიკური ჯანმრთელობის მსოფლიო დღის მიზანია საზოგადოების ცნობიერების ამაღლება ფსიქიკური ჯანმრთელობის შესახებ.

ინფორმაციას აჭარის ჯანდაცვის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს