20:23 - 18 Nov, 2026
ჩვენ შესახებ რეკლამა/ხელმოწერა
2024-10-10 11:30:08, 403 ნახვა

საზოგადოება
„საქართველოს ბანკი“ მსოფლიოში საუკეთესოდ დასახელდა სოციალურ მედია მარკეტინგში კორპორატიული მიმართულებით

საერთაშორისო გამოცემა Global Finance-მა "საქართველოს ბანკი" მსოფლიოში საუკეთესო ციფრული ბანკების 25-ე ყოველწლიურ დაჯილდოებაზე 9 კატეგორიაში გამარჯვებულად დაასახელა. მათ შორის,  ბანკმა კორპორატიული მიმართულებით საუკეთესო სოციალური მედია მარკეტინგისა და სერვისების გლობალურ ქვენომინაციაში საუკეთესო ბანკის ჯილდო მიიღო. აღსანიშნავია, რომ Global Finance-ის ჯილდო ამ კატეგორიაში ქართულ კომპანიას პირველად გადაეცა.

ნომინაციაში გამარჯვებულის გამოსავლენად, Global Finance-ს წარმომადგენლები ფინანსური ინსტიტუტების ციფრული შეთავაზებების მრავალფეროვნებას და ციფრული ინიციატივების ხელშესახებ შედეგებს აფასებენ. საუკეთესო სოციალური მედია მარკეტინგის გლობალური ჯილდოს მოპოვება "საქართველოს ბანკმა" მცირე, საშუალო და მსხვილი ბიზნესების სოციალური მედიის არხებში ფართო გაშუქებით და სოციალურ მედია მარკეტინგში ინოვაციური ინსტრუმენტების გამოყენებით შეძლო.

"ჩვენთვის განსაკუთრებით სასიხარულოა ამ ჯილდოს მიღება, რადგან ეს კიდევ ერთხელ უსვამს ხაზს ბიზნესის მხარდაჭერისთვის ჩვენ მიერ გაწეულ ძალისხმევას. აგრობიზნესიდან დაწყებული, მაღალტექნოლოგიური სტარტაპებითა და კორპორაციული ინსტიტუტებით გაგრძელებული, გასულ წელს სოციალურ მედიაში 100-მდე ბიზნესი წარმოვაჩინეთ. მათი გეგმების, ინოვაციური მიდგომების და პროდუქტის სწორად წარმოჩენით, ვამცირებთ დისტანციას ბიზნესებსა და საბოლოო მომხმარებლებს შორის. კონტენტის გუნდი, ციფრული მარკეტინგის გუნდთან ერთად, სწორად დამიზნებული ციფრული მასალებით, ერთი მხრივ, ვზრდით ბიზნესების ცნობადობას, მეორე მხრივ კი, სოციალურ მედიაში საცალო და კორპორატიულ მომხმარებლებს ჩვენი ციფრული სერვისებით სარგებლობას ვუადვილებთ. ექსტენსიური კომუნიკაციით მჭიდრო ურთიერთობაში შევდივართ მომხმარებლებთან,  ციფრული პლატფორმების და შიდა ინსტრუმენტების დახმარებით, მყისიერად ვპასუხობთ მათ საჭიროებებს და საბოლოოდ, ვეხმარებით მათი პოტენციალის სრულ რეალიზებაში",- აცხადებს ნინუცა ოქროპირიძე, კონტენტის მიმართულების ხელმძღვანელი "საქართველოს ბანკში".

აღსანიშნავია, რომ "საქართველოს ბანკმა" Global Finance-ის დაჯილდოებაზე ყველაზე მნიშვნელოვანი -  მსოფლიოს საუკეთესო ციფრული ბანკის ჯილდო მოიპოვა.





ავტორი: R (რეკლამა),


სოციალური ქსელები
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics