2024-10-09 09:23:19, 398 ნახვა
მსოფლიო
ქარიშხალ „მილტონის“ გამო, ჯო ბაიდენმა ფლორიდაში საგანგებო მდგომარეობის გამოცხადების ბრძანება დაამტკიცა
ამერიკის შეერთებული შტატების პრეზიდენტმა, ჯო ბაიდენმა ფლორიდის მოსახლეობას მოუწოდა, დაუყოვნებლივ დაემორჩილონ ევაკუაციის ბრძანებას ქარიშხალ "მილტონის" მიახლოების გამო. ამის შესახებ ინფორმაციას BBC ავრცელებს.
როგორც ბაიდენმა აღნიშნა, ეს სიკვდილ-სიცოცხლის საკითხია.
"შეიძლება, ეს იყოს ყველაზე საშიში ქარიშხალი, რომელიც ფლორიდას ბოლო საუკუნეში დაატყდა თავს. ღმერთმა ქნას, ეს ასე არ მოხდეს, მაგრამ ამჟამად ასე ჩანს",- განაცხადა ბაიდენმა.
როგორც აშშ-ის პრეზიდენტმა აღნიშნა, მან ფლორიდაში საგანგებო მდგომარეობის გამოცხადების ბრძანება დაამტკიცა და ავიაკომპანიებს მოუწოდა, ფასები ხელოვნურად არ გაზარდონ.
ავტორი: ექსპრესნიუსი,
epn.ge (@expressnews.ge)
