2024-10-09 09:12:30, 392 ნახვა
მსოფლიო
მედია - ხარკოვზე რუსეთის თავდასხმის შედეგად 2 ადამიანი დაიღუპა, 5 კი დაშავდა
რუსეთის სამხედრო ძალებმა ხარკოვის ოლქზე იერიში მიიტანეს - თავდასხმა მართვადი საავიაციო ბომბებით განხორციელდა, რის შედეგადაც 2 ადამიანი დაიღუპა, ხოლო 5 დაშავდა. ამის შესახებ ინფორმაციას “უკრაინსკაია პრავდა“ ავრცელებს.
მედიის ცნობით, დაშავებულები ადგილობრივ საავადმყოფოში არიან გადაყვანილები.
გავრცელებული ინფორმაციით, რუსეთის არმიამ ხარკოვის ოლქისკენ 6 მართვადი საავიაციო ბომბი გაუშვა, რომელთაგან 5-ის ადგილმდებარეობა ცნობილია.
ხარკოვის მერის, იგორ ტერეხოვის განცხადებით, რუსმა სამხედროებმა დარტყმა მრავალსართულიან საცხოვრებელ კორპუსზე განახორციელეს, რამაც ადგილობრივი ინფრასტრუქტურის დაზიანებაც გამოიწვია.
ავტორი: ექსპრესნიუსი,
epn.ge (@expressnews.ge)
