2024-10-01 09:45:11, 427 ნახვა
მსოფლიო
საბერძნეთში ტყის ხანძრებს 2 ადამიანი ემსხვერპლა
საბერძნეთში, პელოპონესზე, აღმოსავლეთ კორინთიაში ტყის ხანძრებს 2 ადამიანი ემსხვერპლა, ასევე, დაშავდა 2 მეხანძრე. ამის შესახებ ინფორმაციას ადგილობრივი მედია ავრცელებს.
მედიის ცნობით, ხანძარი გუშინ გაჩნდა და ამ დრომდე მისი ჩაქრობა ვერ ხერხდება.
ხანძარი 32 კილომეტრზეა გავრცელებული. ადგილზე მობილიზებულია 350 მეხანძრე-მაშველი, 110 სახანძრო მანქანა და 18 ვერტმფრენი. სტიქიის ზონას დღეს რეგიონებიდან 13 დამატებითი მანქანა შეუერთდა.
ხელისუფლებამ ნახევარი სოფლის ევაკუაციის ბრძანება უკვე გასცა.
ავტორი: ექსპრესნიუსი,
epn.ge (@expressnews.ge)
