ისრაელის თავდაცვის ძალებმა განაცხადეს, რომ კვირას ღამით ლიბანში ჰეზბოლას ათობით სამიზნე იქნა დარტყმული. ბოევიკები განაგრძობენ სარაკეტო თავდასხმებს ისრაელის ქალაქებზე.

ისრაელი ჯარებს გადაჰყავს ლიბანის საზღვართან, რაც შესაძლოა მიუთითებდეს ისრაელის ჯარების მიერ ჰეზბოლას მოძრაობის წინააღმდეგ სახმელეთო ოპერაციის უახლოეს დაწყებაზე. ის ფაქტი, რომ IDF ამზადებს შეზღუდული სახმელეთო ოპერაციას ლიბანში, გაავრცელა რამდენიმე მედიასაშუალება, "მაღალი რანგის წყაროების" მოტივით.

ისრაელის თავდაცვის მინისტრმა იოავ გალანტმა გუშინ განაცხადა, რომ აპირებს ჰეზბოლას ობიექტებზე თავდასხმების გააქტიურებას.

IDF აცხადებს, რომ ისრაელის საჰაერო ძალებმა კვირას ღამით დაარტყეს ათობით სამიზნე ლიბანში, მათ შორის რაკეტების გამშვები სადგურები, რომლებიც მიმართულია ისრაელისკენ, შენობები, სადაც იარაღები ინახება და ჰეზბოლას სხვა ინფრასტრუქტურა.

ლიბანის ჯანდაცვის სამინისტროს ცნობით, ბოლო ორი კვირის განმავლობაში, ქვეყანაში ჰეზბოლას სამიზნეებზე ისრაელის საჰაერო თავდასხმების შედეგად ათასზე მეტი ადამიანი დაიღუპა.

ათიათასობით ადამიანი გარბის ლიბანიდან სირიაში "შედარებითი უსაფრთხოების" საძიებლად, განაცხადა გაეროს ლტოლვილთა სააგენტომ.

ჰეზბოლა აგრძელებს ისრაელის მიმართულებით რაკეტების გასროლას. საჰაერო თავდასხმის გაფრთხილება გაისმა კვირა დილით ისრაელის რამდენიმე ქალაქში.

ისრაელის სამხედროებმა განაცხადეს, რომ იემენიდან გაშვებული რაკეტაც შეაჩერეს.

ავტორი: ექსპრესნიუსი,

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა