|
2024-09-27 10:49:26, 360 ნახვა
საზოგადოება
ნასარიძე - აგრარული განათლების წახალისება სოფლის მეურნეობის დარგის განვითარებას შეუწყობს ხელს
საქართველოს გარემოს დაცვისა და სოფლის მეურნეობის მინისტრის მოადგილე თენგიზ ნასარიძე შვეიცარიული ფონდის Gebert Rüf Stiftung თავმჯდომარე როლანდ ზიგვარტს და ბორდის წევრებს შეხვდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ცნობით, მხარეებმა აგრარული განათლების ხელშეწყობის, სოფლის მეურნეობის სექტორში ახალგაზრდების მოზიდვის და მათი გადამზადების საკითხებზე იმსჯელეს. “სახელმწიფო ყოველთვის იქნება მთავარი მხარდამჭერი და გულშემატკივარი სოფლის მეურნეობაში ახალგაზრდა კადრების მოზიდვის, მომზადების და აგრარულ სფეროში ჩართვის. ამ მიმართულებით შვეიცარიული გამოცდილების გაზიარება ჩვენთვის უმნიშვნელოვანესია“,- აღნიშნა თენგიზ ნასარიძემ. შვეიცარიულმა ფონდმა Gebert Rüf Stiftung 2019 წელს დმანისის მუნიციპალიტეტის სოფელ სარკინეთში “შვეიცარიული აგრარული სკოლა კავკასიას“ ააშენა, რომელიც სტუდენტებს მეცხოველეობაში, რძისა და რძის პროდუქტების გადამუშავებაში 3 წლიან პროფესიულ პროგრამას სთავაზობს. კომპლექსი ტრენინგ ცენტრსაც მოიცავს, სადაც ფერმერებსა და მოყვარულებს მოკლევადიანი პროფესიული კურსების გავლის შესაძლებლობა ექნებათ. “ჩვენი მიზანი სოფლის მეურნეობის სფეროს განვითარებაში ახალგაზრდების ჩართულობის უზრუნველყოფა და მათთვის ბიძგის მიცემაა. გვსურს, რომ თქვენს ქვეყანაშიც დავნერგოთ ინოვაციური პროექტები. მოხარულები ვართ, როდესაც სახელმწიფოს მხრიდან ასეთ ჩართულობას და დაინტერესებას ვხედავთ“,- აღნიშნა როლანდ ზიგვარტმა. შვეიცარიული ფონდი Gebert Rüf Stiftung ორიენტირებულია საგანმანათლებლო სფეროში ინოვაციური პროექტების განხორციელებაზე, რომელიც ახალი ტექნოლოგიური გარღვევების და სამეწარმეო აზროვნების განვითარებას უწყობს ხელს.
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



