ევროკავშირი, აშშ და მისი მოკავშირე 10 ქვეყანა ისრაელ-ლიბანის საზღვარზე 21-დღიან ცეცხლის შეწყვეტას დიპლომატიური ძალისხმევის ფარგლებში მოითხოვს, რათა რეგიონული ომის გაჩაღება თავიდან აიცილონ. ამის შესახებ ინფორმაციას CNN ავრცელებს.

როგორც ქვეყნები მიიჩნევენ, საზღვარზე ცეცხლის დაუყოვნებელი შეწყვეტა დიპლომატიისთვის სივრცეს შექმნის.

“ცეცხლის დაუყოვნებელი შეწყვეტა საზღვარზე შექმნის სივრცეს დიპლომატიისთვის. ვითარება ლიბანსა და ისრაელს შორის 2023 წლის 8 ოქტომბრიდან აუტანელია და წარმოადგენს მიუღებელ რისკს უფრო ფართო რეგიონული ესკალაციისთვის. ეს არავის ინტერესებში არ შედის, არც ისრაელის და არც ლიბანელი ხალხის“,- აღნიშნულია განცხადებაში, რომელსაც  ამერიკის შეერთებული შტატები, ავსტრალია, კანადა, ევროკავშირი, საფრანგეთი, გერმანია, იტალია, იაპონია, საუდის არაბეთი, არაბთა გაერთიანებული საამიროები და კატარი ავრცელებენ.

ქვეყნების გარდა, ერთობლივი განცხადება აშშ-ისა და საფრანგეთის ლიდერებმაც გაავრცელეს.

“დროა, რომ დიპლომატიას წარმატების შანსი მიეცეს და თავიდან შემდგომი ესკალაცია აიცილოს. დროა, ისრაელ-ლიბანის საზღვარზე უზრუნველყოფილი იყოს უსაფრთხოება, რათა მშვიდობიანი მოქალაქეები საკუთარ სახლებში დაბრუნდნენ“,- ნათქვამია ჯო ბაიდენისა და ემანუელ მაკრონის ერთობლივ განცხადებაში.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს