ლიბანში პეიჯერებისა და სხვა საკომუნიკაციო მოწყობილობების აფეთქებების შემდეგ, ირანის ისლამური რევოლუციის გუშაგთა კორპუსში, რომელიც ირანის შეიარაღებული ძალების ელიტურ ქვედანაყოფს წარმოადგენს, საკომუნიკაციო საშუალებების გამოყენება აკრძალეს. ამის შესახებ ინფორმაციას Reuters-ი ირანის სპეცსამსახურებზე დაყრდნობით ავრცელებს.

როგორც Reuters-ს ერთ-ერთმა წყარომ უთხრა, ირანის ისლამური რევოლუციის გუშაგთა კორპუსის ხელმძღვანელობა შეშფოთებულია ლიბანში მომხდარით და ყველა მოწყობილობის შემოწმების მასშტაბური ოპერაცია დაიწყო.

"ამ ფარგლებში ირანის ისლამური რევოლუციის გუშაგთა კორპუსის წარმომადგენლებმა “ჰეზბოლასგან“ მოითხოვეს ტექნიკური ექსპერტიზის შედეგებისა და აფეთქებული მოწყობილობების ზოგიერთი ნიმუშის წარდგენა",- წერს Reuters-ი.

სააგენტოს ინფორმაციით, ირანის ხელისუფლებამ ასევე წამოიწყო საფუძვლიანი გამოძიება, რომლის ფარგლებშიც, ირანის ისლამური რევოლუციის გუშაგთა კორპუსის საშუალო და მაღალი რანგის ოფიცრებს ამოწმებენ, რათა გამოავლინონ ის პირები, რომლებიც შესაძლოა, დაკავშირებულები იყვნენ ისრაელის სპეცსამსახურებთან და მათგან ფულად ანაზღაურებას იღებდნენ. 

“ირანის ისლამური რევოლუციის გუშაგთა კორპუსმა ყველა წევრს უბრძანა, შეწყვიტონ ნებისმიერი საკომუნიკაციო საშუალების გამოყენება მას შემდეგ, რაც გასულ კვირას ლიბანში მომხდარი თავდასხმის შედეგად ათასობით პეიჯერი აფეთქდა, რომლებსაც მათი მოკავშირეები ლიბანური შიიტური მოძრაობა “ჰეზბოლა“ იყენებდა“,- წერს სააგენტო.

ცნობისთვის, 17 და 18 სექტემბერს, ლიბანის სხვადასხვა რაიონში საკომუნიკაციო საშუალებების, მათ შორის პეიჯერების აფეთქება მოხდა. ოფიციალური მონაცემებით, აფეთქების შედეგად 37 ადამიანი დაიღუპა, 3 000-ზე მეტი კი დაშავდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს