|
2024-09-19 10:40:04, 354 ნახვა
საზოგადოება
ჩინეთის მედიასაშუალებებისა და ტურისტული კომპანიების წარმომადგენლები ეროვნულ პარკებს სტუმრობენ
მედიატური მნიშვნელოვანი შესაძლებლობაა პოტენციურ ვიზიტორთა დაინტერესებისა და საქართველოში მოზიდვის თვალსაზრისით - მედიატურის მონაწილეებს შორის არიან ტურისტული კომპანიების წარმომადგენლები, რომლებიც ტურებს მსოფლიოს სხვადასხვა ქვეყანაში ახორციელებენ. ამის შესახებ ინფორმაციას დაცული ტერიტორიების სააგენტო ავრცელებს. სააგენტოს ცნობით, მედიატურის მონაწილეები დაცულ ტერიტორიებს და განიხილავენ სამომავლოდ საქართველოში ტურების დაგეგმვის შესაძლებლობებს გაეცნობიან. მედიის წარმომადგენლები საქართველოს ეროვნული პარკების შესახებ ინფორმაციას, ფოტო-ვიდეო მასალასთან ერთად, ჩინეთის პოპულარულ სოციალურ პლატფორმებსა და სატელევიზიო სივრცეში განათავსებენ. მათივე ცნობით, მედიატურის მიზანს ჩინურ ბაზარზე ქვეყნის ტურისტული პოტენციალის პოპულარიზაცია წარმოადგენს. აღსანიშნავია, რომ ჩინეთი საქართველოსთვის ერთ-ერთი მნიშვნელოვანი სამიზნე ქვეყანაა. ჩინელი მოგზაურების სტატისტიკა საქართველოში, კერძოდ, დაცულ ტერიტორიებზე, ყოველწლიურად მზარდია. წალკის კანიონზე განხორციელებულ ტურს დაცული ტერიტორიების სააგენტოს თავმჯდომარე ბესიკ კუსიდი და თავმჯდომარის მოადგილე თამარ ხახიშვილი ესწრებოდნენ. “ეს არის იმ კამპანიის ნაწილი, რომელსაც დაცული ტერიტორიების სააგენტო მიმდინარე წლის განმავლობაში საქართველოს დაცული ტერიტორიების უცხოურ ბაზარზე პოპულარიზაციისთვის ახორციელებს. წელს მივიღეთ მონაწილეობა ჰონგ-კონგის ტურისტულ გამოფენაში, სადაც შევხვდით არაერთ საერთაშორისო ტურისტულ და მედია კომპანიას. სწორედ აღნიშნულ კომპანიებთან თანამშრომლობით შედგა ჩინეთის მედიასაშუალებებისა და ტურისტული კომპანიების წარმომადგენლების ვიზიტი საქართველოს დაცულ ტერიტორიებზე“,- აღნიშნა დაცული ტერიტორიების სააგენტოს თავმჯდომარის მოადგილემ, თამარ ხახიშვილმა. 5 დღის განმავლობაში, მედიატურის მონაწილეები საქართველოს პოპულარულ და გამორჩეულ დაცულ ტერიტორიებს ყაზბეგის ეროვნულ პარკს, ოკაცეს კანიონს, პრომეთეს მღვიმეს, მარტვილის კანიონს და მტირალას ეროვნულ პარკს მოინახულებენ.
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



