2024-09-18 17:00:51, 444 ნახვა

---

ტილვარი - ნატოს საჰაერო სივრცეში რუსული თვითმფრინავების და რაკეტების განმეორებითი შეჭრის გამო B9-ის სახელმწიფოები შეშფოთებას გამოხატავენ

ნატოს უნდა ჰქონდეს მტკიცე, კოორდინირებული პასუხი, როდესაც უკრაინის მიმართულებით გაშვებული რუსული რაკეტები ან თვითმფრინავები ალიანსის საჰაერო სივრცეში შედიან,- ამის შესახებ რუმინეთის თავდაცვის მინისტრმა, ანგელ ტილვარმა განაცხადა.

მისი თქმით, ნატოს საჰაერო სივრცეში რუსული თვითმფრინავების და რაკეტების განმეორებითი შეჭრის გამო, B9-ის სახელმწიფოები შეშფოთებას გამოხატავენ.

“სექტემბრის დასაწყისში ნატოს ქვეყნებმა, რუმინეთმა და ლატვიამ მათ საჰაერო სივრცეში რუსული თვითმფრინავების შესვლის ფაქტი დააფიქსირეს. B9-ის სახელმწიფოები ღრმად არიან შეშფოთებული ნატოს საჰაერო სივრცეში რუსული თვითმფრინავების და რაკეტების განმეორებითი შეჭრის გამო. ამიტომ, საჭიროა ძლიერი, კოორდინირებული რეაგირება მოკავშირეთა დონეზე“,- განაცხადა ტილვარმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი