|
2024-09-12 14:41:58, 543 ნახვა
საზოგადოება
მელაძე - ცესკოს თავმჯდომარე „შაბათის ეთერის“ გუნდზე ზეწოლას ახდენს
ცენტრალური საარჩევნო კომისიის თავმჯდომარე ზეწოლას ახდენს "შაბათის ეთერის" გუნდზე და მუქარით აიძულებს, შეწყვიტოს ცესკოს საქმიანობის შესახებ მასალის მომზადება,- ამის შესახებ "TV პირველის" საინფორმაციო სამსახურის უფროსმა და გამომძიებელ ჟურნალისტთა გუნდის ტელეპროექტის ავტორმა, ნოდარ მელაძემ განაცხადა. მელაძე ცესკოს თავმჯდომარე გიორგი კალანდარიშვილის დღევანდელ განცხადებას გამოეხმაურა და თქვა, რომ საგამოძიებო ტელეპროექტის ჟურნალისტები "მუქარად აღიქვამენ ცესკოს თავმჯდომარის განცხადებას, რომ მედიასაშუალებებთან თანამშრომლობას გადახედავს". "დღეს, 12 სექტემბერს ცენტრალური საარჩევნო კომისიის თავმჯდომარემ ბრალი დასდო "TV პირველის" ჟურნალისტებს ცესკოს თანამშორმლების პერსონალური მონაცემების სავარაუდო უკანონო დამუშავებაში. ეს არის ტყუილი! თუ ჟურნალისტი გაიგებს ტელეფონის ნომერს, ან მისამართს, რომ დასვას კითხვები და გადაამოწმოს ფაქტები, რომელიც ეხება კონკრეტულ მასალას, რატომ არის ეს პეროსნალური მონაცემების უკანონო დამუშავება. იცით, რა იგულისხმა ცესკოს შეფმა? საიდან გაიგეს მისამართებიო? ჩვენ მოვითხოვთ ამ ჩანაწერის მკაფიო განმარტებას, რას ნიშნავს თანამშრომლობის გადახედვა? ანუ აკრედიტაციის შეჩერებას? არჩევნების პროცესში ცესკოში და საარჩევნო უბენბზე აღარ შეგვიშვებენ, რომ არჩევნები აღარ გავაშუქოთ, თუ "ქართული ოცნების" მსგავსად ბოიკოტის რეჟიმში გადავლენ და კრიტიკული მედიის კითხვებს აღარ უპასუხებენ.... ჩვენ აღვიქვამთ ცესკოს თავმჯდომარის განცხადებებს რეალურად მუქარად, რადგან დიდია რისკი, რომ ერთი პარტიის ლეგიტიმაციით თანამდებობაზე არჩეულმა გიორგი კალანდარიშვილმა მედიაზე ანგარიშსწორებისთვის გამოიყენოს ამავე პარტიის კონტროლის ქვეს მყოფი სასამართლოს კლანი ჟურნალისტების დასასჯელად, რაც მანამდე არა ერთხელ გაუკეთებიათ მაღალი თანამდებობის პირებს. მუქარის, დაშინების მცდელობის და შანტაჟის ნაცვლად, მოვუწოდებთ ცენტრლაურ საარჩევნო ადმინისტრაციას და მათ თანამშრომლებს, უპასუხონ კითხვებს, რომელიც კონკრეტული მასალის მზადების პროცესში მედიას აქვს",- აცხადებს მელაძე. შეგახსენებთ, დღეს, 12 სექტემბერს ცესკოს ხელმძღვანელმა, გიორგი კალანდარიშვილმა განაცხადა, რომ თანამშრომლებზე სავარაუდო ზეწოლის და მათი პერსონალური მონაცემების გამოყენების მცდელობა გრძელდება. მისი თქმით, საქმე "TV პირველის“ ერთ-ერთი წარმომადგენლის მხრიდან საარჩევნო ადმინისტრაციის თანამშრომელთა შესახებ პერსონალური ინფორმაციის სავარაუდოდ უკანონოდ დამუშავების მცდელობას ეხება.
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



