|
2024-08-30 15:31:04, 373 ნახვა
საზოგადოება
კალაძე უნივერსიტეტისა და ქავთარაძის ქუჩების დამაკავშირებელი ახალი გზისა და გვირაბის მშენებლობის სამუშაოებს გაეცნო
საბურთალოს რაიონში, უნივერსიტეტისა და ქავთარაძის ქუჩების დამაკავშირებელი ახალი გზისა და გვირაბის მშენებლობა მიმდინარე ეტაპზეა. ამის შესახებ ინფორმაციას თბილისის მერია ავრცელებს. მერიის ცნობით, სამშენებლო სამუშაოებს დედაქალაქის მერი კახა კალაძე მოადგილე ირაკლი ბენდელიანთან ერთად გაეცნო. თბილისის მერის თქმით, სამუშაოები მომავალი წლის იანვარში დასრულდება. "პროექტის შედეგად, ბაგების ახალი საავტომობილო ხიდის გავლით, პირდაპირ შეგვეძლება ქავთარაძის ქუჩაზე მოხვედრა. საექსკავაციო სამუშაოები უკვე დასრულებულია. ძალიან მალე გვირაბის მოწყობაც დაიწყება. გარდა ამისა, მოლაპარაკებები გვქონდა ადგილობრივ მცხოვრებლებთან. იყო კონკრეტული სახლი, რომელიც გარკვეულ პრობლემას წარმოადგენდა ამ გზასთან მიმართებაში. შეთანხმება უკვე მიღწეულია, ხელშეკრულებას ხელი მოვაწერეთ და აღნიშნული შენობა-ნაგებობის გამოსყიდვა მოხდება. ეს შესაძლებლობას მოგვცემს, რომ პროექტი სწორხაზოვნად განხორციელდეს და არ მოგვიწიოს შეფერხება. წყნეთიდან, ბაგებიდან წამოსულ ავტომანქანებს არა მხოლოდ უნივერსიტეტის ქუჩის გამოყენება, არამედ პირდაპირ ქავთარაძის ქუჩაზე მოხვედრა და იქიდან ვაჟა-ფშაველაზე გადასვლა შეეძლებათ", - განაცხადა კალაძემ. პროექტის ფარგლებში, გვირაბის მისასვლელ-გამოსასვლელი პანდუსები და ტროტუარები მოწყობა. ასევე, ჩატარდება საიზოლაციო სამუშაოები, მოეწყობა სანიაღვრე ქსელი, დამონტაჟდება LED სანათები. ასევე, გვირაბის გასწვრივ რკინაბეტონის დამცავი კედლები მოეწყობა. აღნიშნული პროექტი, რომელსაც მერიის ინფრასტრუქტურის განვითარების საქალაქო სამსახური ახორციელებს, 2025 წლის იანვარში დასრულდება. გვირაბის მშენებლობა დედაქალაქის ბიუჯეტიდან 12 მილიონი ლარით დაფინანსდება.
ვაკეში, ყიფშიძის 9 ნომრის მიმდებარე კორპუსის ავტოსადგომზე ცეცხლსასროლი ჭრილობით, გვამი ნახეს
საქართველოს ბანკის მხარდაჭერით, მულტიფუნქციური სპორტული კომპლექსი Platform გაიხსნა
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



