26 აგვისტოს მოსული უხვი ნალექის შედეგად ხაშურის მუნიციპალიტეტის სოფელ ვაყაში წარმოიქმნა მეწყრული პროცესი. ამის შესახებ ინფორმაციას ხაშურის მუნიციპალიტეტის მერია ავრცელებს.

ხაშურის მერიის ცნობით, სტიქიურმა მოვლენამ დააზიანა მეორე ხარისხოვანი გზა, რის შედეგადაც, რამდენიმე ოჯახს გადადგილების მხრივ პრობლემა შეექმნა.

"სტიქიურმა მოვლენამ დააზიანა მეორე ხარისხოვანი გზა. შედეგად, რამდენიმე ოჯახს გადადგილების მხრივ აღნიშნულ გზაზე პრობლემა შეექმნა, თუმცა მოქალაქეები გარე სამყაროს არ არიან მოწყვეტილები, გზის აღდგენამდე მათ ალტერნატიული გზით სარგებლობა შეუძლიათ.

მუნიციპალიტეტის წარმომადგენლები ადგილზე სწავლობენ ვითარებას. შემდგომი გადაწყვეტილებების შესახებ მოსახლეობას მოგვიანებით ეცნობება.

პრევენციული ღონისძიებების ფარგლებში, სოფელ ვაყაში, მუნიციპალიტეტის მიერ გასულ წლებში მოწყობილია ნაპირდამცავი გაბიონი, სწორედ აღნიშნული პროექტის განხორციელების შედეგად მეწყრული პროცესი ნაკლები ზიანის მომტანი აღმოჩნდა", - ნათქვამია ინფორმაციაში.

ავტორი: ექსპრესნიუსი,

სოციალური ქსელები

პირველკლასელების სასკოლო ფორმები საქართველოშია და 1-14 სექტემბერს გაიყიდება

პოლონეთის საელჩო: კაჩინსკის 2008 წლის გაფრთხილება პირქუშ წინასწარმეტყველებას ჰგავს

„მნიშვნელოვანი დემოკრატიული უკუსვლა“: რას ამბობს ევროკავშირის ახალი ანგარიში საქართველოს შესახებ

უკანა სავარძელზე მსხდომ მგზავრებს შესაძლოა უსაფრთხოების ღვედების გამოყენება მოეთხოვოთ