ქალაქ კასპში გიორგი (გორკა) მერებაშვილის სახელობის ღია საჭიდაო არენაზე, ქართულ ჭიდაობაში  მუნიციპალიტეტის ღია პირველობა გაიმართა. ამის შესახებ ინფორმაციას კასპის მუნიციპალიტეტის მერია ავრცელებს.

მერიის ცნობით, ტურნირი 25 წლის ასაკში ტრაგიკულად დაღუპულ გიორგი (გორკა) მერებაშვილის ხსოვნას მიეძღვნა, რომელიც უკვე ტრადიციულია და ყოველწლიურად ტარდება.

"ტურნირში მონაწილეობდნენ 2007-2008-2009 წლებში დაბადებული ჭაბუკები კასპიდან, ქარელიდან და თბილისიდან.

კასპიდან პირველი ადგილები მოიპოვეს ერეკლე მჭედელაძემ (45 კგ), თემურ ოდოშაშვილმა (50 კგ) და თორნიკე გორჯოლაძემ (66 კგ).

ტურნირის გამარჯვებულებს და მონაწილეებს თასები, მედლები და სიგელები კასპის მუნიციპალიტეტის მერმა ვახტანგ მაისურაძემ, საკრებულოს თავმჯდომარემ შოთა ბეგლარაშვილმა, ყოფილმა მოჭიდავეებმა და გიორგი (გორკა) მერებაშვილის ქალიშვილმა მარი მერებაშვილმა გადასცეს.

პირველ ადგილზე გასულ მოჭიდავეებს, ოჯახის მიერ დაწესებული ფულადი ჯილდო მოჭიდავის მამამ, გენადი მერებაშვილმა გადასცა",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი