თბილისში, ყაზბეგის გამზირზე მომხდარ ავტოსაგზაო შემთხვევაზე, რომელსაც ერთი ადამიანის სიცოცხლე ემსხვერპლა, პროკურატურამ გამოძიება დაიწყო.

ამის შესახებ ინფორმაცია "ექსპრესნიუსს" პროკურატურაში დაუდასტურეს.

როგორც საგამოძიებო ორგანოში აცხადებენ, მომხდართან დაკავშირებით გამოძიება სსკ-ის 276-ე მუხლის, მე-6 ნაწილითაა დაწყებული, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს, რამაც ადამიანის სიცოცხლის მოსპობა გამოიწვია.

ცნობისთვის, თბილისში, ყაზბეგის გამზირზე ავტოავარია, რასაც ერთი ადამიანის სიცოცხლე ემსხვერპლა, დღეს, 19 ივლისს მოხდა. მედიაში გავრცელებული ინფორმაციით, დაღუპულია მოტოციკლის მძღოლი, რომელსაც საპატრულო პოლიციის ეკიპაჟმა, დაკავების მიზნით, გზა გადაუკეტა, მოტოციკლი კი სწორედ ეკიპაჟის მანქანას დაეჯახა. 

ავტორი: ექსპრესნიუსი,

სოციალური ქსელები

სოჭის სანაპიროსთან ნავთობის ტანკერი AFRAMAX RIO იწვის - ვიდეო

ევროკომისიამ გაფართოებისთვის მოსამზადებელი დოკუმენტები მიიღო სადაც საქართველო აღარ განიხილება

მარტა კოსი- საქართველო კანდიდატი ქვეყანა მხოლოდ ქაღალდზეა

საკონსტიტუციო სასამართლოს პირველმა კოლეგიამ ოპოზიციური პარტიების არაკონსტიტუციურად ცნობისა და მათი საქმიანობის აკრძალვის თაობაზე სარჩელი მიიღო