ნიდერლანდები, უკრაინისთვის დრონების შესაძენად, ახალი კოალიციის ერთობლივ ფონდს 20 მილიონ ევროს გამოუყოფს. ამის შესახებ ინფორმაციას ნიდერლანდების თავდაცვის სამინისტრო ავრცელებს.

სამინისტროს ცნობით, დახმარების მიზანია, კიევს First Person View-ის ტიპის დრონები მიაწოდონ.

“ამ ტიპის დრონებით პილოტს შესაძლებლობა ეძლევა, მოწინააღმდეგეს შორი მანძილიდან უყუროს. დრონების გამოყენება სულ უფრო მნიშვნელოვანი ხდება სამხედრო ოპერაციებში. უკრაინას დრონების დეფიციტი აქვს, რუსეთს - არა. დეფიციტის შესამცირებლად, ლატვიამ და უკრაინამ ამ წლის დასაწყისში დრონების კოალიცია შექმნეს, რომელსაც ნიდერლანდები შეუერთდა.

ურთიერთთანამშრომლობის მემორანდუმს კი, ხელი თებერვალში მოეწერა.

კოალიციის მიზანია, წელს უკრაინას 1 მილიონი დრონი გადასცეს და მოგვიანებით გააფართოვოს შეთავაზება სხვა ტიპებზე, როგორიცაა სადაზვერვო. 265-ზე მეტი კომპანია, მათ შორის 9 ჰოლანდიური, დარეგისტრირდა უკრაინაში FPV-ის დრონების მიწოდებისთვის“,- ნათქვამია სამინისტროს ინფორმაციაში.

ამასთან დაკავშირებით, განცხადება გააკეთა ასევე ქვეყნის თავდაცვის მინისტრმა, რუბენ ბრეკელმანსმაც.

“უკრაინას სწრაფად ესაჭიროება ბევრი თავდასხმის დრონი. ისინი ძალიან წარმატებულია ბრძოლის ველზე. ჩვენ ამას უზრუნველვყოფთ სხვა 11 ქვეყანასთან ერთად, რაც დღეს ნატოს სამიტზე დავადასტურეთ", - აღნიშნა ბრეკელმასნმა.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა