2024-06-24 16:11:14, 541 ნახვა
სამართალი
ოკუპირებული აფხაზეთის ე.წ. შს მინისტრი - სროლასა და მკვლელობაში ეჭვმიტანილი 4 პირი დავაკავეთ
დროებით ოკუპირებული აფხაზეთის ე.წ. პროკურატურის ცნობით, ფსოუზე მომხდარ სროლასა და მკვლელობაში ეჭვმიტანილები დააკავეს. ამის შესახებ "ეხო კავკაზა" წერს.
მედიის ცნობით, ე.წ. შინაგან საქმეთა მინისტრი რობერტ კიუტი აცხადებს, რომ დაკავებულია 4 პირი, მათგან 3 დროებით ოკუპირებულ აფხაზეთში, ერთი კი რუსეთის ფედერაციაში დააკავეს.
"ინციდენტში სულ 7 ადამიანი მონაწილეობდა. რუსეთში დაკავებული ეჭვმიტანილი "დადგენილი წესით აფხაზურ მხარეს გადაეცემა",- აღნიშნულია ე.წ. შს სამინისტროს განცხადებაში.
შეგახსენებთ, გუშინ, 23 ივნისს რუსეთ-აფხაზეთის "სასაზღვრო პუნქტზე" სროლა იყო. ინციდენტის შედეგად დაიღუპა ერთი და დაშავდა 3 ადამიანი. დაშავებულთა შორის ერთი ბავშვია.
ავტორი: ექსპრესნიუსი,
epn.ge (@expressnews.ge)
