|
2024-06-17 21:58:43, 455 ნახვა
საზოგადოება
მერია - ქართველი გულშემატკივარი საქართველო-თურქეთის თამაშის პირდაპირ ტრანსლაციას ხვალ მიხეილ მესხის სტადიონზე უყურებს
საქართველოს ეროვნული ნაკრების გულშემატკივრები ევროპის ჩემპიონატზე საქართველოს შეხვედრების პირდაპირი ტრანსლაციის ყურებას მიხეილ მესხის სტადიონზე შეძლებენ. ამის შესახებ ინფორმაციას თბილისის მერია ავრცელებს. მერიის ცნობით, ამჟამად, სტადიონზე ექვსი დიდი ეკრანი მონტაჟდება, ასევე, სტადიონის გარეთ მოწყობილია კვების ზონა. მიმდინარე სამუშაოებს დედაქალაქის მერი კახა კალაძე კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსთან, ირაკლი გვილავასთან ერთად ადგილზე გაეცნო. „ხვალ მართლაც ძალიან დიდი დღეა. დღე, რომელსაც ქართველი გულშემატკივარი დიდი ხანია ველოდებით. ბიჭებმა ევროპის ჩემპიონატზე გასვლით დიდი სიხარული გვაჩუქეს. ყველა ქართველი გულშემატკივრის ოცნება იყო, ჩვენი ეროვნული ნაკრები ერთხელ მაინც მოხვედრილიყო ევროპის ან მსოფლიო ჩემპიონატზე და დღეს გვაქვს ამის შესაძლებლობა. ხვალ ერთად ვუგულშემატკივროთ ეროვნულ ნაკრებს. მინდა, წარმატებები ვუსურვო ბიჭებს. რაც შეეხება მიხეილ მესხის სტადიონზე მიმდინარე სამუშაოებს, ფეხბურთის ფედერაციასთან ერთად მივიღეთ გადაწყვეტილება და ქართველი გულშემატკივრებისთვის, რომლებიც საქართველოში დარჩნენ და ვერ მოახერხეს გერმანიაში გამგზავრება, ხვალ, მიხეილ მესხის სტადიონზე შესაძლებლობა ექნებათ, უყურონ საქართველოსა და თურქეთის ნაკრებების შეხვედრის პირდაპირ ტრანსლაციას. მინდორზე დამონტაჟებული იქნება 6 ძალიან დიდი ეკრანი და გულშემატკივარს საშუალება ექნება, ტრიბუნებიდან უქომაგოს ჩვენს ეროვნულ ნაკრებს. სასიამოვნო გარემო იქნება შექმნილი, ასევე სტადიონის გარეთ იქნება განთავსებული კვების ობიექტები და საკმაოდ კომფორტული იქნება იმისთვის, რომ ვუგულშემატკივროთ საქართველოს ნაკრებს. კიდევ ერთხელ, წარმატებები და გამარჯვებები მინდა ვუსურვო ჩვენს ბიჭებს", - განაცხადა კახა კალაძემ.
Wildberries-ის საქართველოში გაფართოება ქვეყნისთვის სანქციურ, ფინანსურ, რეპუტაციულ და უსაფრთხოების რისკებს ქმნის
თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა
უკრაინამ კრასნოდარის მხარეში ორ მსხვილ ნავთობგადამამუშავებელ ქარხანას თვის დასაწყისიდან მეორედ შეუტია
RP: რუსეთი პოლონეთში მასშტაბური დივერსიული თავდასხმას ამზადებდა, რათა უკრაინა დაედანაშაულებინა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



