|
2024-06-15 13:01:03, 393 ნახვა
საზოგადოება
სოლომონ პავლიაშვილმა აჭარის სოფლის მეურნეობის მიმართულების ლაბორატორიების თანამშრომლებთან შეხვედრა გამართა
გარემოსდაცვისა და სოფლის მეურნეობის მინისტრის მოადგილე სოლომონ პავლიაშვილი და აჭარის ა/რ სოფლის მეურნეობის მინისტრი ზაზა შავაძე სოფლის მეურნეობის ლაბორატორიების თანამშრომლებს შეხვდნენ. სამუშაო შეხვედრაზე, მხარეებმა, საქართველოში აკვაკულტურისა და ფიტოსანიტარიის სფეროების განვითარებაზე ისაუბრეს, არსებულ შესაძლებლობებზე იმსჯელეს და სამომავლო გეგმები განიხილეს. „საქართველოში მნიშვნელოვანი ნაბიჯები გადაიდგა ლაბორატორიული შესაძლებლობების განვითარებისკენ. დღეს, როდესაც ქვეყანაში იზრდება ხარისხიანი პროდუქციის წარმოება და ექსპორტი, მაღალი სტანდარტის ლაბორატორიული დიაგნოსტიკა განსაკუთრებით საჭირო და მოთხოვნადი ხდება. ჩვენი მიზანია, ქვეყნის მასშტაბით, რეგიონულ დონეზე არსებული ლაბორატორიების განვითარება-გაძლიერება, რათა შესაძლებელი გახდეს ადგილობრივი მოსახლეობისთვის ყველა იმ საჭირო კვლევების მიწოდება, რაც დაეხმარება მათ სასოფლო-სამეურნეო პროდუქციის წარმოებასა და რეალიზაციაში“, - განაცხადა სოლომონ პავლიაშვილმა. აღსანიშნავია, რომ სოფლის მეურნეობის სახელმწიფო ლაბორატორიასა და აჭარის ა/რ-ის ლაბორატორიულ კვლევით ცენტრს შორის გაფორმებული მემორანდუმის ფარგლებში, აქტიური თანამშრომლობა ხორციელდება არაერთი მიმართულებით, მათ შორის, ერთობლივი პროექტების შემუშავების, სპეციალისტების გადამზადებისა და სადიაგნოსტიკო მეთოდების დანერგვის ხელშეწყობის კუთხით. არსებული თანამშრომლობის ფარგლებში, დაგეგმილია აჭარის რეგიონში ლაბორატორიული სერვისების გაუმჯობესების მხარდაჭერა. „ჩვენ აქტიურად ვაგრძელებთ თანამშრომლობას აჭარის რეგიონში ლაბორატორიული შესაძლებლობების გაძლიერების მიმართულებით. ჩვენი ერთ-ერთი პრიორიტეტი აკვაკულტურის განვითარება და სექტორის მხარდაჭერაა. არანაკლებ მნიშვნელოვანია ფიტოსანიტარიის სფეროს განვითარება, რაც ხელს შეუწყობს ჩვენი რეგიონის მებაღე ფერმერებს, მიიღონ წვდომა შესაბამის მომსახურებასა და კვლევებზე, რაც დაეხმარება მათ პროდუქციის წარმოებისა და რეალიზაციის ზრდაში“, - განაცხადა ზაზა შავაძემ. სამუშაო შეხვედრას გარემოს დაცვისა და სოფლის მეურნეობის სამინისტროს სოფლის მეურნეობის სახელმწიფო ლაბორატორიის, აჭარის ა/რ სოფლის მეურნეობის სამინისტროს ლაბორატორიული კვლევითი ცენტრისა და ორგანული აკვაკულტურის განვითარების ასოციაციის „ფორეჯი“ წარმომადგენლები ესწრებოდნენ. ინფორმაციას გარემოს დაცვისა და სოფლის მეურნეობის სამინისტრო ავრცელებს.
თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა
უკრაინამ კრასნოდარის მხარეში ორ მსხვილ ნავთობგადამამუშავებელ ქარხანას თვის დასაწყისიდან მეორედ შეუტია
RP: რუსეთი პოლონეთში მასშტაბური დივერსიული თავდასხმას ამზადებდა, რათა უკრაინა დაედანაშაულებინა
ოპოზიციონერი პოლიტიკოსი მატან კაჰანა ისრაელის ქნესეთის სპიკერი გახდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



