ნოტარიუსთა პალატის გამგეობის თავმჯდომარემ ევროკავშირის ნოტარიუსთა საბჭოს (CNUE) საერთაშორისო ურთიერთობების ხელმძღვანელთან დარგობრივი თანამშრომლობის საკითხები განიხილა.

ეკატერინე ნანდოშვილმა ადამ ტოთთან სამომავლო თანამშრომლობასა და CNUE-ს საქმიანობაში საქართველოს ნოტარიუსთა პალატის ჩართულობაზე ისაუბრა.

მხარეებმა გამოხატეს მზაობა, გააღრმავონ არსებული თანამშრომლობა ინსტიტუციური დახმარების გაწევისა და საუკეთესო სანოტარო პრაქტიკის გაზიარების მიმართულებებით.

საქართველოს ნოტარიუსთა პალატა მორიგ სამუშაო შეხვედრას ევროკავშირის ნოტარიუსთა საბჭოს საერთაშორისო ურთიერთობების ხელმძღვანელთან 2025 წლის სექტემბერში უმასპინძლებს. ეს გადაწყვეტილება მხარეებმა შეხვედრის დროს მიიღეს.

სამუშაო შეხვედრა მიზნად ისახავს, ევროკავშირის ქვეყნების სანოტარო სისტემების საუკეთესო პრაქტიკის გაზიარებას სხვადასხვა მნიშვნელოვან საკითხებთან მიმართებით.

ორმხრივი შეხვედრა ევროკავშირის ნოტარიუსთა საბჭოს გენერალური ასამბლეის ფარგლებში გაიმართა, რომელსაც წინ უძღოდა საქართველოს ნოტარიუსთა პალატის CNUE-ში დამკვირვებლის სტატუსით გაწევრების ოფიციალური ცერემონია.

შეხვედრაში ევროკავშირის ნოტარიუსთა საბჭოს წარმომადგენლებთან ერთად მონაწილეობა მიიღეს, ასევე, საქართველოს ნოტარიუსთა პალატის გამგეობის თავმჯდომარის მოადგილე მარიკა გოგოლაძემ, გამგეობის წევრებმა - ეთერ გზირიშვილმა, რომან კოსტანიანმა და ნოტარიუსთა პალატის საერთაშორისო ურთიერთობების სპეციალისტმა, თეონა წინწალაშვილმა.

ინფორმაციას იუსტიციის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს