20:13 - 16 Feb, 2025
ჩვენ შესახებ რეკლამა/ხელმოწერა
2024-06-11 16:37:55, 339 ნახვა

რეგიონი
თორნიკე რიჟვაძემ ზაფხულის ტურისტული სეზონის საორგანიზაციო საკითხებთან დაკავშირებით სამუშაო შეხვედრა გამართა

ზაფხულის ტურისტული სეზონის საორგანიზაციო საკითხებთან დაკავშირებით აჭარის მთავრობის თავმჯდომარემ, თორნიკე რიჟვაძემ აჭარის ტურიზმისა და კურორტების დეპარტამენტში სამუშაო შეხვედრა გამართა. ამის შესახებ ინფორმაციას აჭარის მთავრობა ავრცელებს. 

მთავრობის ცნობით, შეხვედრაზე ტურიზმის ხელშეწყობის და სტიმულირების გეგმა განიხილეს.

"თორნიკე რიჟვაძემ აღნიშნა, რომ მნიშვნელოვანია, კოორდინირებული მუშაობით, ტურიზმის სფეროში არსებული დადებითი დინამიკის შენარჩუნება, რათა აჭარა იყოს ოთხივე სეზონზე მიმზიდველი დანიშნულება. დაიგეგმა მნიშვნელოვანი აქტივობები მაღალმთიან აჭარაში ტურისტული ნაკადების კიდევ უფრო გაზრდის მიზნით.

2023 წელს შიდა და უცხოელი ვიზიტორების მიერ განხორციელებული ვიზიტების რაოდენობა შეადგენს 4,6 მლნ ვიზიტს, რაც 2022 წლის ანალოგიურ მაჩვენებელთან შედარებით გაზრდილია +20 %-ით, ხოლო 2019 წლის ანალოგიურ მაჩვენებელთან შედარებით არის გაზრდილი +10.4 %-ით.

მზარდი ტურისტული დინამიკით დაიწყო აჭარაში 2024 წელიც. 2024 წლის I კვარტლის მონაცემით შიდა და უცხოელი ვიზიტორების მიერ განხორციელებული ვიზიტების რაოდენობა შეადგენს 850 ათასზე მეტ ვიზიტს, რაც 2023 წლის ანალოგიურ მაჩვენებელთან შედარებით გაზრდილია +11%-ით, ხოლო 2019 წლის ანალოგიურ მაჩვენებელთან შედარებით არის გაზრდილი +34%-ით.

აჭარა ახალ სეზონს მთელი რიგი სიახლეებით ხვდება, როგორც საგზაო ინფრასტრუქტურის, ისე სპორტული და ტურისტული ინფრასტრუქტურის მხრივ.

ბათუმიდან ზაფხულის ტურისტულ სეზონზე ფრენები 12 ქვეყანაში 25-ზე მეტი მიმართულებით შესრულდება.

განხორციელდა ზღვის წყლის მონიტორინგი. წყლის აღებული ნიმუშების კვლევის მიხედვით აჭარის სანაპირო ზოლში ზღვის წყლის კვლევებმა აჩვენა, რომ იგი შეესაბამება ყველა დადგენილ ნორმას", - აღნიშნულია მთავრობის ინფორმაციაში. 

 




ავტორი: NS (სტატია დაფინანსებულია),


სოციალური ქსელები
სალომე ზურაბიშვილი - Amnesty International-ის გენ. მდივანს პატიმართა ადვოკატების წერილი გადავეცი
ეკონომიკის სამინისტროსთან ბათუმში ორი ბავშვის დაღუპვასთან დაკავშირებით აქცია გაიმართა
საქართველოს მორაგბეთა ეროვნულმა ნაკრებმა ესპანეთი დაამარცხა და ნახევარფინალშია
მეუფე შიო - უსაზღვროა ღმერთის სიყვარული, საკმარისია, ჩვენში გაიღვიძოს სინანულმა
რედაქტორის რჩევით

ომი უკრაინაში

ვიდეო/LIVE

საზოგადოებრივი მაუწყებლის სამეურვეო საბჭოს სხდომა - 3 თებერვალი, 2025












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics