გვჭირდება სტაბილურობა, პირველი ვადისას ვაჩვენე, რისი მიღწევა შეუძლია ძლიერ ევროპას, შეგვიძლია, შევქმნათ ბასტიონი უკიდურესი მემარცხენეების და მემარჯვენეების წინააღმდეგ, - ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.

როგორც ლაიენმა აღნიშნა, ევროპარლამენტში, თანამოაზრეებთან ერთად, ლიბერალური უმრავლესობის ფორმირებას შეეცდება.

„ამ ტურბულენტურ დროში ჩვენ გვჭირდება სტაბილურობა. ჩვენ გვჭირდება ანგარიშვალდებულება და უწყვეტობა. ჩემი პირველი ვადის განმავლობაში ვაჩვენე, რისი მიღწევა შეუძლია ძლიერ ევროპას. ჩემი მიზანია, გავაგრძელო ეს გზა მათთან, ვინც არის პროევროპელი, პროუკრაინელი და კანონის უზენაესობის მომხრე. ჩვენ ერთად შევქმნით და შეგვიძლია, შევქმნათ ბასტიონი უკიდურესი მემარცხენეების და მემარჯვენეების წინააღმდეგ. და ეს აუცილებელია, რადგან გამოწვევების წინაშე ვდგავართ.

მხოლოდ მოკლედ გამოვყოფ საკითხებს: რუსული აგრესიული ომიდან კლიმატის ცვლილების ან ხელოვნური ინტელექტის შესაძლო შედეგებამდე; წელს არჩევნებია ჩვენს პარტნიორ ქვეყნებში - აშშ-სა და დიდ ბრიტანეთში. ამ ყველაფრისთვის და კიდევ ბევრისთვის, ჩვენ გვჭირდება ხილული ევროპა. ჩვენ გვინდა ამ ევროპის წინსვლა. და ეს სამუშაო დღეს, არჩევნების მეორე დღეს იწყება“, - განაცხადა ურსულა ფონ დერ ლაიენმა.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა