ირანის ისტორიაში პირველად, საპრეზიდენტო არჩევნებში მონაწილების მისაღებად ქალი, ყოფილი დეპუტატი ზოჰრე ელაჰიანი დარეგისტრირდა. ამის შესახებ ინფორმაციას ირანული მედია ავრცელებს.

მედიის ცნობით, 57 წლის ზოჰრე ელაჰიანი პარლამენტის ეროვნული უსაფრთხოებისა და საგარეო პოლიტიკის კომიტეტის ყოფილი წევრი და ორგზის პარლამენტარია.

რეგისტრაციის შემდეგ ელაჰიანმა გამოაცხადა თავისი დევიზი: „ჯანსაღი მთავრობა, ჯანსაღი ეკონომიკა, ჯანსაღი საზოგადოება“ და პირობა დადო, რომ კორუფციის წინააღმდეგ იბრძოლებს.

როგორც ირანული მედია წერს, ელაჰიანი მხარს უჭერს ჰიჯაბის ტარების წესს. ის ასევე მომხრე იყო მოძრაობის „ქალი, სიცოცხლე, თავისუფლება“ მონაწილე მომიტინგეების სიკვდილით დასჯის, რის გამოც, მას კანადამ მარტში სანქციები დაუწესა.

ცნობისთვის, ირანში ვადამდელი საპრეზიდენტო არჩევნები 28 ივნისს არის დაგეგმილი. არჩევნები დღის წესრიგში მას შემდეგ დადგა, რაც პრეზიდენტი იბრაჰიმ რაისი ავიაკატასტროფას ემსხვერპლა.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა