ინფორმაციული უსაფრთხოების უზრუნველსაყოფად რუსეთში ბენზინის წარმოების სტატისტიკა დაიხურება, იტყობინება რუსეთის ფედერალური ენერგეტიკის სამინისტრო. მათივე თქმით, ნავთობპროდუქტების ფასების შესახებ მონაცემების გამოქვეყნება გაგრძელდება.
ენერგეტიკის სამინისტრო ბენზინის წარმოების შესახებ სტატისტიკური მონაცემების გამოქვეყნებას შეწყვეტს. გადაწყვეტილება ნავთობპროდუქტების ბაზრის ინფორმაციული უსაფრთხოების უზრუნველსაყოფად მიიღეს.

„ამჟამინდელი გეოპოლიტიკური სიტუაციიდან გამომდინარე, ასეთი ინფორმაციის გამჟღავნება შეიძლება გახდეს არაკეთილსინდისიერი მონაწილეების მიერ ბაზრის მანიპულირების მიზეზი“, - აცხადებენ დეპარტამენტში.

ენერგეტიკის სამინისტროს მიაჩნია, რომ სტატისტიკის დახურვა „ხელს შეუწყობს შიდა მომხმარებლების მიწოდების საიმედოობის გაძლიერებას და მთლიანად ქვეყნის ენერგოუსაფრთხოების გაზრდას“. მათივე თქმით, ნავთობპროდუქტების ფასების შესახებ მონაცემების გამოქვეყნება გაგრძელდება.

უწყებაში ხაზგასმით აღნიშნავენ, რომ ნავთობპროდუქტების ბაზარზე არსებული ვითარება ყოველდღიურად კონტროლდება.

2024 წლის დასაწყისიდან გახშირდა უკრაინული დრონების თავდასხმები რუსეთის რეგიონებში ნავთობგადამამუშავებელ ქარხნებზე. კერძოდ, მაისში თავს დაესხნენ ქარხანას კალუგას რეგიონში, ვოლგოგრადისა და სლავიანსკის ნავთობგადამამუშავებელ ქარხნებზე, ასევე საწარმოს ტუაფსეში. რუსეთის ვიცე პრემიერ-მინისტრის ალექსანდრე ნოვაკის განცხადებით, საწვავის და ენერგეტიკული კომპლექსის საწარმოები 100%-ით ვერ იქნება დაცული.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!