შუახევში, საქართველოს დამოუკიდებლობის დღისადმი მიძღვნილი ღონისძიება მრავალფეროვანი საზეიმო და შემეცნებითი ღონისძიებებით გაიხსნა. ამის შესახებ ინფორმაციას შუახევის მუნიციპალიტეტის მერია ავრცელებს.

მერიის ცნობით, საზეიმო ღონისძიებას შუახევის მერი ომარ ტაკიძე, საკრებულოს თავმჯდომარე როსტომ ლორთქიფანიძესა და თვითმმართველობის წარმომადგენლებთან ერთად დაესწრო.

"შეკრებილ საზოგადოებას ომარ ტაკიძემ საქართველოს დამოუკიდებლობის დღე მიულოცა და ამ დღის მნიშვნელობაზე ისაუბრა; ხელმძღვანელ პირებთან ერთად, საქართველოს დამოუკიდებლობისა და ტერიტორიული მთლიანობისათვის დაღუპული გმირების მემორიალი ყვავილებით შეამკო და  პატივი მიაგო გმირთა ხსოვნას.

ღონისძიებაზე, საქართველოს დამოუკიდებლობის დღისადმი მიძღვნილი თემატური ფოტოგამოფენა მოეწყო.

გაიმართა მეწარმეების პროდუქციის გამოფენა-გაყიდვა, სპორტული აქტივობები და გასართობი ღონისძიებები.

შუახევის კულტურის ცენტრთან არსებულ ფოლკლორულ ანსამბლებთან ერთად, ხელოვნებისა და მოსწავლე-ახალგაზრდობის სკოლის მოსწავლეები და გოგონათა ბენდი "117“ მონაწილეობდნენ.

დამოუკიდებლობის დღისადმი მიძღვნილი ღონისძიებები შუახევში, სხვადასხვა აქტივობებით გრძელდება",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე