|
2024-05-26 12:02:47, 449 ნახვა
საზოგადოება
სარჯველაძე - საქართველოს ინტერესი მუდმივად იყოს ნომერ პირველი
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, საქართველოს მოქალაქეებს, დამოუკიდებლობის დღე მიულოცა. მიხეილ სარჯველაძის განცხადებით, ეს არის დღე, როდესაც აღდგა ნანატრი, საქართველოს დამოუკიდებლობა და ფუნდამენტი ჩაეყარა თანამედროვე ქართულ სახელმწიფოს. „ვულოცავ, მთელს საქართველოს, ამ დიდებულ დღესასწაულს. დიდებულს თავისი არსით, შინაარსითა და მნიშვნელობით - ეს არის ის, რაც არაერთი ქართველის, სახელოვანი მამულიშვილის ოცნება და იდეა იყო. დიდებული დღე თითოეული ქართველისთვის, ვინც ამ ქვეყნის ნამდვილი გულშემატკივარია და ვისთვისაც მნიშვნელოვანია, საქართველოს ინტერესი მუდმივად იყოს ნომერ პირველი. ეს არის დღე, როდესაც საკუთარ თავს უნდა შევახსენოთ, თუ რაოდენ მნიშვნელოვანია დაუღალავი ბრძოლა და მუშაობა, რომ ყოველდღიური დღის წესრიგის ნაწილი იყოს, იმის სამსახურში ყოფნა, რაც გვეამაყება და რაც გვაერთიანებს. ამით ახდა ოცნება ილია ჭავჭავაძისა და ბევრი მოღვაწისა, ვინც ძალიან ბევრი რამ გააკეთა იმისთვის, რომ ჩამოვყალიბებულიყავით ასეთ ერად და გვეამაყა ჩვენი ქვეყნის იდენტობით. ეს არ არის ისეთი რამ, რაც ერთხელ მოვიდა და რასაც გაფრთხილება არ სჭირდება. ამას სჭირდება, დაუღალავად შრომა, რომ საქართველოს სახელი მუდმივად იკავებდეს დამსახურებულ ადგილს, სხვა ერთა შორის“, - განაცხადა მიხეილ სარჯველაძემ. როგორც ჯანდაცვის მინისტრმა აღნიშნა, საქართველო, ბოლო წლების განმავლობაში, უწყვეტად, მაღალი ტემპით, იმ მიმართულებით ვითარდება, რასაც ქვეყნის მაღალი დონის, ევროპულ სახელმწიფოდ ჩამოყალიბება ჰქვია. „ყველა სექტორში, იქნება ეს ჯანდაცვის, სოციალური უზრუნველყოფის, თავდაცვისუნარიანობის, განათლების, თუ სამართლის სფერო, გვაქვს უზარმაზარი პროგრესი. პროგრესი სწორედ იმ მიმართულებით, რასაც ჰქვია ევროპული ღირებულებების ერთგულება. ყველას კარგად უნდა ესმოდეს, რომ ეს არის მნიშვნელოვანი საქმე, რომელსაც სჭირდება სერიოზული შრომა, იმის კვალდაკვალ, რასაც ჩვენი ერის თვითმყოფადობის გაფრთხილება ჰქვია“, - განაცხადა მიხეილ სარჯველაძემ.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



