ამერიკის შეერთებული შტატების ყოფილი პრეზიდენტი დონალდ ტრამპი აცხადებს, რომ რუსეთისა და ჩინეთის პრეზიდენტები "ზიანის გამოწვევას" გეგმავენ. 

როგორც BBC წერს, ტრამპმა ვლადიმერ პუტინსა და სი ძინპინთან დაკავშირებით განცხადება ნიუ-იორკში, ჟურნალისტებთან გააკეთა.

"მე კარგად ვიცნობ ჩინეთის პრეზიდენტს, სი ძინპინს და რუსეთის პრეზიდენტს, ვლადიმერ პუტინს. ახლა ისინი ერთად მუშაობენ გეგმებზე, სადაც გაერთიანდებიან, რათა ზიანი მოიტანონ. ეს არის ის, რაზეც ისინი ფიქრობენ",- განაცხადა ტრამპმა.

BBC წერს, რომ მაშინ, როდესაც დონალდ ტრამპი ამერიკის შეერთებული შტატების პრეზიდენტის თანამდებობას იკავებდა, მას სი ძინპინთან დაძაბული ურთიერთობა ჰქონდა. 2017 წელს მან ჩინეთის ლიდერს მარ-ა-ლაგოში უმასპინძლა, თუმცა მომდევნო წლებში მას "მტერი" უწოდა.

რაც შეეხება ვლადიმერ პუტინს, BBC დასძენს, რომ აშშ-ის ყოფილ პრეზიდენტს რუსეთის პრეზიდენტთან ყოველთვის "ცივი" ურთიერთობა ჰქონდა.

შეგახსენებთ, რუსეთის პრეზიდენტი ვლადიმერ პუტინი ჩინეთის სახალხო რესპუბლიკაში იმყოფება. ვიზიტის ფარგლებში პუტინი პრეზიდენტ სი ძინპინს შეხვდა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!