ნაუსედა ქართველ ხალხს - არავის აქვს უფლება, წაგართვათ თქვენი ევროპული ოცნება

2024-05-14 20:58:37, 371 ნახვა

პოლიტიკა

ლიეტუვას პრეზიდენტი გიტანას ნაუსედა საქართველოში "უცხოური გავლენის გამჭვირვალობის შესახებ" კანონპროექტის მიღებას სოციალურ ქსელში ეხმაურება.

როგორც ნაუსედა აღნიშნავს, "არავის აქვს უფლება, ქართველ ხალხს წაართვას ევროპული ოცნება".

"ძვირფასო ქართველო ხალხო! გისმენთ და თქვენ გვერდით ვართ საქართველოს ევროპული მომავლისთვის ბრძოლაში. არავის აქვს უფლება, წაგართვათ თქვენი ევროპული ოცნება. არავის აქვს უფლება, ჩააჩუმოს ხალხის ნება, რომ იცხოვრონ ევროკავშირის ღირებულებებით",- წერს ნაუსედა.

შეგახსენებთ, დღეს, 14 მაისს პარლამენტმა "უცხოური გავლენის გამჭვირვალობის შესახებ" კანონი მესამე მოსმენით მიიღო. კანონპროექტს მხარი 84-მა დეპუტატმა დაუჭირა, წინააღმდეგ კი, 30 წავიდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,