|
2024-05-03 10:42:22, 598 ნახვა
საზოგადოება
DRI - პოლიციის უმოქმედობა აქციის მონაწილეების მიმართ ძალადობაზე, ძალადობრივი ჯგუფების ინსტრუმენტალიზაციაზე მიანიშნებს
პოლიციის უმოქმედობა აქციის მონაწილეების მიმართ ძალადობაზე, მიანიშნებს ძალადობრივი ჯგუფების ინსტრუმენტალიზაციაზე,- ამის შესახებ ნათქვამია განცხადებაში, რომელსაც "დემოკრატიის კვლევის ინსტიტუტი" (DRI) ავრცელებს. DRI-ის ინფორმაციით, 2 მაისს, გმირთა მოედნის მიმდებარე ტერიტორიაზე აქციის მონაწილეებს ორგანიზებული ჯგუფები დაესხნენ თავს. როგორც ორგანიზაციის განცხადებაშია აღნიშნული, "ძალადობრივი თავდასხმის ადგილზე არ იყო არც ერთი საპატრულო ეკიპაჟი. სამართალდამცავები დანაშაულის ადგილზე არ გამოჩენილან არც ინციდენტის შემდეგ. ამ დრომდე ორგანიზებული ძალადობა არ შეუფასებია შინაგან საქმეთა სამინისტროს". "დემოკრატიის კვლევის ინსტიტუტი" მოუწოდებს შინაგან საქმეთა სამინისტროს:
"დემოკრატიის კვლევის ინსტიტუტი" ეხმიანება 2 მაისს, გმირთა მოედნის მიმდებარე ტერიტორიაზე აქციის მონაწილეებზე ორგანიზებული ჯგუფების თავდასხმას, აღნიშნავს, რომ ძალადობასთან დაკავშირებით ხაზგასმით თვალშისაცემია სამართალდამცველთა უმოქმედობა და მოუწოდებს შსს-ს, უზრუნველყოს აქციის მონაწილეთა უსაფრთხოება. დაახლოებით, ღამის 01:20 საათზე, გმირთა მოედნის მიმდებარე ტერიტორიაზე, მშვიდობიანი აქციის მონაწილეებს მოულოდნელად, ყოველგვარი პროვოცირების გარეშე, თავს დაესხა სამოქალაქო ტანსაცმელში ჩაცმული, ძლიერი ფიზიკური აღნაგობის მქონე 20-მდე ადამიანი, რომლებიც რამდენიმე ავტომობილით გადაადგილდებოდნენ. თავდამსხმელთა შეთანხმებული მოქმედება ამყარებს ვარაუდს, რომ მოძალადეები იყვნენ წინასწარ ორგანიზებული ძალადობრივი ჯგუფის წევრები. თვითმხილველების გადმოცემიდან და საჯაროდ გავრცელებული ვიდეომასალიდან დასტურდება, რომ თავდამსხმელები აქციის მონაწილეებს უმოწყალოდ ურტყამდნენ სახის არეში და სხეულის სხვადასხვა ნაწილში. ინციდენტს შეესწრნენ ბავშვებიც. გავრცელებული კადრებიდან იდენტიფიცირებადია ორგანიზებული ძალადობრივი ჯგუფის წევრების ვინაობა. კარგად ჩანს მათი ავტოსატრანსპორტო საშუალებების ნომრებიც. ძალადობრივი თავდასხმის ადგილზე არ იყო არც ერთი საპატრულო ეკიპაჟი. სამართალდამცავები დანაშაულის ადგილზე არ გამოჩენილან არც ინციდენტის შემდეგ. ამ დრომდე ორგანიზებული ძალადობა არ შეუფასებია შინაგან საქმეთა სამინისტროს. ორგანიზებული ძალადობრივი ჯგუფების ინსტრუმენტალიზაცია და მშვიდობიანი შეკრების მონაწილეების მოძალადეების პირისპირ შეტოვება წარმოადგენს პრაქტიკას, რომელსაც წლებია ამკვიდრებს „ქართული ოცნების“ ხელისუფლება. მაშინ, როდესაც სამართალდამცავების ძირითადი რესურსი მშვიდობიანი აქციის მონაწილეთა წინააღმდეგ არის მიმართული (მშვიდობიანი აქციის სამართლებრივი საფუძვლის გარეშე დაშლის მცდელობა, აქციის მშვიდობიანი მონაწილეების წინააღმდეგ არაპროპორციული ძალის გამოყენება, დემონსტრანტების შესაბამისი სამართლებრივი საფუძვლის გარეშე ადმინისტრაციული წესით დაკავება), პოლიციის უმოქმედობა ორგანიზებული ჯგუფის მიერ ჩადენილ ძალადობაზე ხაზგასმით თვალშისაცემია",- ნათქვამია განცხადებაში.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



