2024-05-02 19:59:29, 428 ნახვა
პოლიტიკა
აქციის მონაწილეებმა გმირთა მოედანზე რამდენიმე მიმართულებით საავტომობილო გზა გადაკეტეს
თბილისში, გმირთა მოედანზე "უცხოური გავლენის გამჭვირვალობის შესახებ" კანონპროექტის საწინააღმდეგო აქცია მიმდინარეობს.
ცოტა ხნის წინ აქციის მონაწილეებმა საავტომობილო გზის სავალი ნაწილი რამდენიმე მიმართულებით გადაკეტეს.
"არა რუსულ კანონს!", "საქართველო!" - სკანდირებენ აქციის მონაწილეები.
ადგილზე მობილიზებული არიან სამართალდამცველები.
არსებული ინფორმაციით, პოლიციამ აღნიშნულ ტერიტორიაზე ერთი მოქალაქე დააკავა.
ავტორი: ექსპრესნიუსი,
epn.ge (@expressnews.ge)
