2024-04-30 17:53:05, 354 ნახვა
პოლიტიკა
ირაკლი ღარიბაშვილი იტალიის ელჩს შეხვდა
„ქართული ოცნების“ თავმჯდომარე ირაკლი ღარიბაშვილი საქართველოში იტალიის რესპუბლიკის საგანგებო და სრულუფლებიან ელჩს, მასიმილიანო დ’ანტუონოს შეხვდა. ამის შესახებ ინფორმაციას „ქართული ოცნების“ პრესსამსახური ავრცელებს.
პრესსამსახურის ცნობით, შეხვედრაზე საქართველოსა და იტალიის რესპუბლიკას შორის ორმხრივ ურთიერთობებზე და სხვადასხვა სფეროში თანამშრომლობის გაღრმავებაზე ისაუბრეს.
„ხაზი გაესვა იტალიის მნიშვნელოვან როლს საქართველოსთვის ევროკავშირის კანდიდატი ქვეყნის სტატუსის მინიჭების საქმეში.
საუბარი ასევე შეეხო საქართველოსა და რეგიონში მიმდინარე პროცესებს“, - აღნიშნულია პრესსამსახურის ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
