|
2024-04-24 14:02:05, 570 ნახვა
საზოგადოება
მდინარაძე - ყველა ქალს აქვს დედობის უფლება - არ აქვს მნიშვნელობა, რა ფორმით გახდება ქალი დედა
ყველა ქალს აქვს დედობის უფლება - არ აქვს მნიშვნელობა, რა ფორმით გახდება ქალი დედა - ჩვენი მხარდაჭერა მათ! - ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა და აღნიშნულ საკითხთან დაკავშირებით გუშინ გაკეთებული საკუთარი განცხადება განმარტა. მდინარაძის თქმით, მოსახლეობასთან შეხვედრისას, აბორტთან დაკავშირებით დაისვა შეკითხვა, რომელზეც პასუხი "მედიასაშუალებების მიერ არასწორად იყო ინტერპრეტირებული". "მხარდაჭერა ყველა ქალს, იმის მიუხედავად, ქორწინებაშია, თუ არ არის ქორწინებაში; სჭირდება მედიცინის დახმარებით რეპროდუქცია, თუ არა - აბსოლუტური მხარდაჭერა ყველას იმიტომ, რომ ვერავინ გაბედოს ამ საკითხით სპეკულაცია... საუბრიდან რაღაც 30 წამს ამოგიჭრიან, რომელიც აბსოლუტურად განსხვავდება იმ პათოსისგან, რასაც გულისხმობ. ისე წარმოაჩინეს, თითქოს ჩვენ საუბარი გვქონდა ქალთა უფლებების რამე ფორმით შეზღუდვაზე. ის მედიასაშუალებები თუ გადაცემები, რომლებმაც გუშინ კონტექსტი განზრახ დაამახინჯეს, ვნახოთ, რამდენად იტყვიან, რომ გუშინაც მთლიანი კონტექსტი ეს იყო და გაავრცელებენ თუ არა ამას",- თქვა მდინარაძემ. მისი განმარტებით, შარშან, საქართველოს პარლამენტში შევიდა კანონპროექტი, რომელიც მედიცინის დახმარებით რეპროდუქციას ეძღვნებოდა და ევროკავშირის რეგულაციებთან ჰარმონიზაციას გულისხმობდა. „როგორც კი საკითხი დადგა - ქალი, რომელიც ქორწინებაში არ არის, ხელოვნური განაყოფიერებით შეუძლია თუ არა გააჩინოს შვილი და დაისვა ეს კითხვის ნიშანი, გავაჩერეთ პროექტი",- განაცხადა მდინარაძემ. შეგახსენებთ, საპარლამენტო უმრავლესობის ლიდერმა, მამუკა მდინარაძემ აბორტსა და ინ ვიტრო განაყოფიერებასთან დაკავშირებით განცხადება გუშინ, 23 აპრილს ამბროლაურში გააკეთა.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



