ვისაც არ უნდა, რომ მხარი დაუჭიროს ხელისუფლების ეროვნულ პოლიტიკას, ერთი ადამიანიც ნუ მოვა აქციაზე,- ამის შესახებ "ქართული ოცნების" აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ მმართველი პარტიის მიერ დაანონსებულ შეკრებასთან დაკავშირებით განაცხადა.

როგორც მდინარაძემ მედიის წარმომადგენლებთან საუბრისას აღნიშნა, პარტიული დავალებაა, რომ სურვილის შემთხვევაში, ადამიანების დედაქალაქში ტრანსპორტირება და შეკრებაში მონაწილეობა უზრუნველყონ.

"29 აპრილის შეკრებამ სრული ისტერია გამოიწვია ფსევდოლიბერალებში, "ნაციონალურ მოძრაობაში", რადიკალურ ოპოზიციაში და ხდება მათი პირდაპირი შეურაცხყოფა და გაშავება. დასდევენ, საჯარო მოხელე იქნება თუ არა... მე გარანტიას ვაძლევ ამ ისტერიის ავტორებს, რომ საჯარო მოხელეებიც იქნებიან იქ და იქნებინ სხვა მოქალაქეებიც ორჯერ და სამჯერ მეტი. ამით არიან ისტერიაში...

დიახ, პარტიული დავალებაა, პარტიის წარმომადგენლები - საჯარო მოხელეები იქნებიან თუ არა, ორგანიზება მოხდეს, პირდად ჩემი პარტიული დავალებაა მათ შორის, რომ ჩვენი პარტიული დანაყოფების მიმართ, რომ თუკი, ვინმეს წამოსვლა უნდა აქციაზე, უზრუნველყონ ორგანიზებულად მათი წამოსვლა თბილისში და შეკრებაში მონაწილეობის მიღება... საჯარო მოხელეს რას უკრძალავენ, ან მასწავლებელს რას უკრძალავენ? თუკი ვინმეს უნდა იმ დღეს წამოსვლა რაიონიდან, დაწერს შევებულებას და წამოვა. თუ არ უნდა, აქედან მივმართავ - ერთი ადამიანის დარწმუნებაც არ სცადოს ჩვენმა პარტიულმ აქტივმა, რომ წამოიყვანონ, ვისაც ამის სურვილი არ აქვს... ამიტომ, თავი დაანებეთ ამ ადამიანების გაშავებას და პატივი ეცით საჯარო მოხელეებს",- თქვა მამუკა მდინარაძემ. 

შეგახსენებთ, გუშინ, 22 აპრილს "ქართულმა ოცნება" გაავრცელა ინფორმაცია, რომლის მიხედვითაც, 29 აპრილს, საქართველოს პარლამენტის სასახლის წინ, მმართველი პარტიის ორგანიზებით, "საყოველთაო-სახალხო შეკრება" გაიმართება.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს