ფინანსთა მინისტრი ლაშა ხუციშვილი ADB-ის პრეზიდენტს მასაცუგუ ასაკავას შეხვდა. 

ADB-ის პრეზიდენტი მასაცუგუ ასაკავა ფინანსთა მინისტრ ლაშა ხუციშვილთან და EBRD-ის პრეზიდენთან შეხვედრის შემდეგ: ვამაყობ, რომ ასეთი პარტნიორები მყავს და მეხმარებიან მომავლისკენ მიმართული ხიდის აშენებაში.

"სასიამოვნო იყო ევროპის რეკონსტრუქციისა და განვითარების ბანკის პრეზიდენტ ოდილ რენო ბასოსთან და საქართველოს ფინანსთა მინისტრ ლაშა ხუციშვილთან ვაშინგტონში შეხვედრა", - წერს აზიის განვითარების ბანკის პრეზიდენტი მასაცუგუ ასაკავა X გვერდზე ფინანსთა მინისტრ ლაშა ხუციშვილთან და EBRD-ის პრეზიდენტ ოდილ რენო ბასოსთან ერთად გამართული დისკუსიის შემდეგ.

როგორც მან აღნიშნა, დისკუსიის დროს განხილულ იქნა ევროპისა და აზიის რეგიონების ეკონომიკური განვითარების პერსპექტივები. 

"ასევე კლიმატის ცვლილებებთან გამკლავების გზები, ისევე, როგორც  განვითარების წინაშე მდგარი სხვა რისკების დაძლევის მნიშვნელობა,

მათ შორის, ანტი-გლობალიზაციის ღონისძიებები, რომლებიც, რა თქმა უნდა, ძირს უთხრის ზრდას და მდგრადობას.

გავცვალეთ ასევე იდეები იმის შესახებ, თუ როგორ შეუძლიათ განვითარებაზე ორიენტირებულ მრავალეროვნულ ბანკებს და მათ წევრ სახელმწიფოებს, გააძლიერონ თანამშრომლობა ამ გამოწვევების დასაძლევად და კრიზისზე რეაგირებისთვის.

ვამაყობ, რომ ასეთი პარტნიორები მყავს და მეხმარებიან მომავლისკენ მიმართული ხიდის აშენებაში, რომელიც უფრო მწვანე, მეტად მდგრადი და მჭიდროდ  დაკავშირებული იქნება.

ჩვენი საუბარი, რომელსაც ნიშა პილაი უძღვება, მომავალ კვირას გავა ეთერში, აზიის განვითარების ბანკის წლიური შეხვედრის წინ, რომელიც 2024 წელს თბილისში იმართება. მას საქართველო მასპინძლობს", - წერს აზიის განვითარების ბანკის პრეზიდენტი მასაცუგუ ასაკავა.

ინფორმაციას ფინანსთა სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება