|
2024-04-18 15:51:23, 468 ნახვა
პოლიტიკა
საპარლამენტო ოპოზიცია - პოლიციამ შური იძია ელისაშვილზე - ჩვენ მოვითხოვთ რეაგირებას
საპარლამენტო ოპოზიცია აცხადებს, რომ "მოქალაქეების" ლიდერ ალეკო ელისაშვილზე პოლიციამ "შური იძია". როგორც "ერთიანი ნაციონალური მოძრაობის" წარმომადგენელმა, თინა ბოკუჩავამ ცოტა ხნის წინ გამართულ ბრიფინგზე განაცხადა, "ქართული პოლიცია ივანიშვილის პირობებში სადამსჯელო ჯგუფად გადაიქცა". "ნაცვლად იმისა, რომ ქართული პოლიცია იცავდეს კანონს და იცავდეს საქართველოს მოქალაქეებს, მართლწესრიგს, ივანიშვილის პირობებში გადაიქცა სადამსჯელო ჯგუფად, რომელმაც მათ შორის შური იძია ალეკო ელისაშვილზე. ეს არის პოლიტიკური თავდასხმა, პოლიტიკური ანგარიშსწორება, რისთვისაც ივანიშვილი იყენებს სახელმწიფო უწყებებს, სახელმწიფო სტრუქტურებს და ამ შემთხვევაში პოლიციას, ნაცვლად იმისა, რომ სახელმწიფო უწყებები ემსახურებოდნენ ქართველ ხალხს და ქართველი ხალხის ინტერესს",- თქვა ბოკუჩავამ. "ლელოს" წარმომადგენლის, სალომე სამადაშვილის განცხადებით, მომხდართან დაკავშირებით რეაგირებას მოითხოვენ. "პოლიტიკური ძალადობა გახადა უკვე ნორმად რუსულმა ხელისუფლებამ. რუსეთში ოპოზიციონერ პოლიტიკოსებს არამარტო სცემენ, არამედ კლავენ კიდევაც. და თუ ბიძინა ივანიშვილს ჰგონია, რომ იგივე გზას დაადგება ამ ქვეყანაში და ვინმეს შეეშინდება, ძალიან შემცდარა. ნაცემია "ლელოს" გენერალური მდივანი ირაკლი კუპრაძე და ახლაც პატიმრობაშია. ტარიელ ნაკაიძეზე თავდასხმა ჩვენ ყველას გვახსოვს... თვითონ დაუსჯელად შეუძლიათ თავს დაესხნენ ოპოზიციონერ დეპუტატებს და თავად დაქირავებული ჰყავს ბიძინა ივანიშვილს შესაბამისი საპოლიციო უწყებები, რომ გაუსწორდნენ ოპოზიციონერ დეპუტატებს პარლამენტის გარეთ? არავის არ ეშინია ძალადობის და ჩვენ მოვითხოვთ რეაგირებას ყველა შემთხვევაზე ძალადობის, მათ შორის ალეკო ელისაშვილის წინააღმდეგ გუშინ სამარცხვინოდ თავდასხმაზე",- აღნიშნა სამადაშვილმა. ცნობისთვის, "მოქალაქეების" ლიდერის, ალეკო ელისაშვილის განცხადებით გუშინ, 17 აპრილს მთავრობის ადმინისტრაციასთან მიმდინარე საპროტესტო აქციაზე მას პოლიციელებმა სცემეს. ომბუდსმენის აპარატი იტყობინება, რომ ელისაშვილის მიმართ სავარაუდო არასათანადო მოპყრობის ფაქტზე, სპეციალურ საგამოძიებო სამსახურს მიმართავენ.
კობახიძე - 2021-2025 წლებში გვქონდა ძალიან მაღალი საშუალო ეკონომიკური ზრდა, რომელმაც შეადგინა დაახლოებით 9.5%
უკრაინამ ყირიმის ხიდს შეუტია
საქართველოს ბანკმა 2026 წლის კორპორატიული სოციალური პასუხისმგებლობის ანგარიში გამოაქვეყნა
საგარეო უწყება – ევროკავშირის გაფართოების ფორუმსა და დაკავშირებადობის მინისტერიალზე საქართველოს შესაბამის დონეზე მიწვევა არ მიუღია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



