|
2024-03-31 12:58:59, 719 ნახვა
საზოგადოება
გენერალური პროკურორის პირველმა მოადგილემ საერთაშორისო კონფერენცია მისასალმებელი სიტყვით გახსნა
საქართველოს გენერალური პროკურორის პირველმა მოადგილემ, ბაკურ აბულაძემ, ანტიკორუფციული ბიუროს და გერმანიის საერთაშორისო თანამშრომლობის საზოგადოების (GIZ) მიერ ორგანიზებული საერთაშორისო კონფერენცია - "კორუფციის პრევენცია: ანტიკორუფციული რეფორმა საქართველოში და საერთაშორისო პრაქტიკა" მისასალმებელი სიტყვით გახსნა. კონფერენციის დამსწრეების წინაშე მისასალმებელი სიტყვით ასევე წარდგნენ ანტიკორუფციული ბიუროს უფროსი რაჟდენ კუპრაშვილი და გერმანიის საერთაშორისო თანამშრომლობის საზოგადოების (GIZ) საქართველოს ოფისის დირექტორი სანდრა შენკე. ბაკურ აბულაძემ დემოკრატიულ საზოგადოებაში კორუფციის წინააღმდეგ ბრძოლის გადამწყვეტ მნიშვნელობაზე ისაუბრა და ამ კუთხით პროკურატურის განსაკუთრებულ როლს გაუსვა ხაზი. "პროკურატურა კორუფციასთან ბრძოლის ეროვნული სისტემის ერთ-ერთ მთავარ სამართლებრივ ინსტრუმენტს წარმოადგენს, შესაბამისად განსაკუთრებული მნიშვნელობა აქვს მის ეფექტურობას ამ პროცესში. კორუფციის წინააღმდეგ ბრძოლის ეფექტიანობის ზრდა უწყების სტრატეგიულ მიზანს წარმოადგენს. საქართველოს პროკურატურა კორუფციული დანაშაულის წინააღმდეგ მკაცრ სისხლის სამართლის პოლიტიკას ატარებს და ამ გზაზე მნიშვნელოვანი ხელშესახები შედეგები გვაქვს." - განაცხადა ბაკურ აბულაძემ. გენერალური პროკურორის მოადგილემ ასევე ხაზი გაუსვა კორუფციის წინააღმდეგ ბრძოლის პროცესში სახელმწიფო უწყებებს შორის ეფექტური კომუნიკაციისა და საერთაშორისო თანამშრომლობის მნიშვნელობას, როგორც კორუფციის დანაშაულის გამოვლენის და სისხლისსამართლებრივი დევნის პროცესში, ასევე პრევენციის მიმართულებით. კონფერენციაზე გამართული პანელური დისკუსიის ფარგლებში, კორუფციასთან დაკავშირებული დანაშაულების წინააღმდეგ ბრძოლაში პროკურატურის როლის შესახებ ისაუბრა საქართველოს პროკურატურის კორუფციულ დანაშაულზე სისხლისსამართლებრივი დევნის სამმართველო სამმართველოს უფროსმა, გიორგი გოჩაშვილმა. კონფერენციას ადგილობრივი და საერთაშორისო ექსპერტები, მოსამართლეები, აკადემიური წრეების, ბიზნეს სექტორისა და საჯარო სამსახურის წარმომადგენლები ესწრებოდნენ.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



