2024-03-15 11:59:26, 796 ნახვა

---

პრეზიდენტი - „ფესვები“, რომელიც აჭარიდან უნდა ჩამოსულიყო, გზიდან გააბრუნეს - თუ ეს არ არის კულტურული ბოლშევიზმი, არ ვიცი, ამას რას ჰქვია

ძალიან სამწუხაროა, რომ ანსამბლი "ფესვები", რომელიც აჭარიდან უნდა ჩამოსულიყო, გზიდან გააბრუნეს იმიტომ, რომ თურმე, პრეზიდენტის სასახლეში ნებადართული არ არის მოღვაწეობა,- ამის შესახებ საქართველოს პრეზიდენტმა, სალომე ზურაბიშვილმა ორბელიანების სასახლეში, მაღალმთიანი აჭარის ფოლკლორის საღამოზე განაცხადა.

პრეზიდენტმა მომხდარს "კულტურული ბოლშევიზმი" უწოდა. 

"თქვენ თავად იფიქრეთ, საიდან მოვიდა ასეთი მითითება და რას ნიშნავს ეს?! თუ ეს არ არის კულტურული ბოლშევიზმი, მე არ ვიცი, ამას რას ჰქვია. სამწუხაროა, მე მინდა, მათ ჩემი სახელით ბოდიში მოვახსენო იმისთვის, რომ ამ ფორმით გზიდან გააბრუნეს და მინდა, ბოდიში მოვუხადო საზოგადოებას იმისთვის, რომ ამ ქვეყანაში დღეს ასეთი რაღაცები შეიძლება ხდებოდეს",- განაცხადა ზურაბიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი