|
2024-03-08 15:38:35, 718 ნახვა
საზოგადოება
ნინო თანდილაშვილი საქართველოში UNIDO-ს წარმომადგენელს შეხვდა
გარემოს დაცვისა და სოფლის მეურნეობის მინისტრის პირველმა მოადგილემ, ნინო თანდილაშვილმა ლაბორატორიული შესაძლებლობების გაძლიერების, ბაზების ფორმირება-სრულყოფის და მათზე ხელმისაწვდომობის გაზრდის, სოფლის მეურნეობაში ციფრული ტექნოლოგიების დანერგვის და ახალგაზრდა კადრების გადამზადების საკითხებზე, გაეროს ინდუსტრიული განვითარების ორგანიზაციის (UNIDO) პროგრამის „ქვეყნის პროგრამა“ კოორდინატორთან, ნუნუ მოსიაშვილთან შეხვედრა გამართა. მხარეებმა UNIDO-ს პროგრამაში გარემოს დაცვისა და სოფლის მეურნეობის სამინისტროს შესაძლო ჩართულობის საკითხი და პროგრამის განხორციელების სამოქმედო გეგმა განიხილეს. „სამინისტროს UNIDO-სთან, გარემოს დაცვის მიმართულებით, მრავალწლიანი, ნაყოფიერი თანამშრომლობა აკავშირებს. აღსანიშნავია, რომ ეროვნული პროგრამა ჩვენთვის საინტერესო საკითხებს, მათ შორის, ლაბორატორიული ბაზების სრულყოფას და დიჯიტალიზაციას მოიცავს. ლაბორატორიული შესაძლებლობების მიმართულებით, ევროკომისიისგან დადებითი შეფასება გვაქვს. ქვეყანაში სურსათის უსაფრთხოება და უვნებლობა, პირდაპირ კავშირშია ლაბორატორიული შესაძლებლობების გაძლიერებასთან და შესაბამისად, აღნიშნული მიმართულება ჩვენთვის პრიორიტეტულია. უნდა აღინიშნოს, რომ UNIDO-ს ჩართულობა ასევე საინტერესო იქნება სოფლის მეურნეობაში ახალგაზრდების ჩართვისა და ტრენინგცენტრის შექმნის და კადრების გადამზადების მიმართულებით, ერთიანი სისტემატიზებული მიდგომის დანერგვის ნაწილში“, - აღნიშნა ნინო თანდილაშვილმა. UNIDO-ს პროგრამა „ქვეყნის პროგრამა“, რომელიც 2023-2027 წლებში განხორციელდება, სამ ძირითად მიმართულებას - აგრობიზნესის განვითარებას, ბაზრებზე წვდომასა და ფერმერებისთვის შესაძლებლობების ზრდას, გარემოს დაცვასა და ბუნებრივი რესურსების ეფექტიან გამოყენებას მოიცავს. პროგრამის პრიორიტეტული მიმართულებების განსაზღვრის მიზნით, შეიქმნება ეროვნული საკოორდინაციო საბჭო, რომელშიც სხვადასხვა სახელმწიფო უწყება გაერთიანდება. ინფორმაციას გარემოს დაცვისა და სოფლის მეურნეობის სამინისტრო ავრცელებს.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



