|
2024-03-07 14:04:17, 696 ნახვა
საზოგადოება
ოთარ შამუგია იტალიის ელჩს შეხვდა
გარემოს დაცვისა და სოფლის მეურნეობის მინისტრი ოთარ შამუგია საქართველოში იტალიის რესპუბლიკის საგანგებო და სრულუფლებიან ელჩს, მასიმილიანო დ'ანტუონოს შეხვდა. გაცნობითი ხასიათის შეხვედრაზე, მხარეებმა ორ ქვეყანას შორის სოფლის მეურნეობის და გარემოს დაცვის მიმართულებით სამომავლო თანამშრომლობის გაღრმავებაზე, სავაჭრო ურთიერთობების გააქტიურებასა და ევროინტეგრაციის გზაზე საქართველოს მხარდაჭერაზე ისაუბრეს. გარემოს დაცვისა და სოფლის მეურნეობის მინისტრმა დიპლომატს თანამდებობაზე დანიშვნა მიულოცა და წარმატებები უსურვა. „საქართველოსა და იტალიას შორის წარმატებული თანამშრომლობის მრავალწლიანი გამოცდილება აქვთ. ბოლო წლებში, გაზრდილია სავაჭრო ურთიერთობებიც, თუმცა ამ მიმართულებით, კიდევ უფრო დიდი პოტენციალი არსებობს. მინდა აღვნიშნო, რომ მზად ვართ კიდევ უფრო გავაღრმაოთ პარტნიორობა ჩვენ მეგობარ ქვეყნებთან, რადგან დღეს, როდესაც საქართველო ევროკავშირის წევრობის კანდიდატი ქვეყანაა, ევროკომისიის რეკომენდაციების შესრულების და რეფორმების განხორციელებისთვის, მათი მხარდაჭერა განსაკუთრებით მნიშვნელოვანია. ჩვენ გადავდგით ნაბიჯები ქვეყანაში როგორც წარმოების ხარისხის გაუმჯობესების და სურსათის უვნებლობის სტანდარტების დანერგვის, ასევე სოფლის მეურნეობის სხვადასხვა სექტორში რეფორმების განხორციელების მიმართულებით. ვფიქრობ, ეს გაზრდის ქართული პროდუქციის კონკურენტუნარიანობას და საექსპორტო პოტენციალს ევროპის, მათ შორის იტალიის ბაზარზე“, - აღნიშნა ოთარ შამუგიამ. საქართველოში იტალიის რესპუბლიკის საგანგებო და სრულუფლებიანმა ელჩმა, მასიმილიანო დ'ანტუონომ დადებითად შეაფასა საქართველო-იტალიას შორის არაერთი მიმართულებით არსებული თანამშრომლობა და აღნიშნა, რომ მნიშვნელოვანია ამ ურთიერთობების გაღრმავება. იტალია გააგრძელებს საქართველოს მხარდაჭერას როგორც ევროინტეგრაციის გზაზე აღებული ვალდებულებების შესრულების, ისე სავაჭრო-ეკონომიკური ურთიერთობების გააქტიურების და შესაძლებლობების გაძლიერების მიმართულებით. შეხვედრას გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი და იტალიის რესპუბლიკის საგანგებო და სრულუფლებიანი ელჩის მოადგილე ფაბიოლა ალბანეზე ესწრებოდნენ. ინფორმაციას სოფლის მეურნეობის სამინისტრო ავრცელებს.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



