|
2024-02-22 09:53:21, 654 ნახვა
საზოგადოება
საქართველოს აეროპორტების გაერთიანება გემო ფესტთან დაკავშირებით დამატებით რეისებს ნიშნავს
უკვე მეორედ, საქართველოს აეროპორტების გაერთიანება ყველაზე გემრიელი გასტრონომიული ფესტივალის, პარტნიორი ხდება და ამჯერად ვიზიტორებს ტურიზმის ეროვნულ ადმინისტრაციასთან ერთად, 24-25 თებერვალს მესტიაში ელოდება. გემო ფესტთან დაკავშირებით აეროპორტების გაერთიანებამ ნატახტარიდან-მესტიის მიმართულებით და პირიქით, დამატებითი რეისები დანიშნა. აღნიშნულის შესახებ ინფორმაციას აეროპორტების გაერთიანება ავრცელებს. საქართველოს აეროპორტების გაერთიანების გენერალური დირექტორის, ირაკლი ქარქაშაძის განცხადებით, გასტრონომიულ ფესტივალთან დაკავშირებით აეროპორტების გაერთიანება, რეგულარულ ფრენებთან ერთად 22, 23, 25 და 26 თებერვალს ნატახტარი-მესტია, მესტია-ნატახტარის მიმართულებით და უკან, რეგულარულთან ერთად დამატებით რეისებს შეასრულებს. "საქართველოს აეროპორტების გაერთიანება, უკვე მეორედ უერთდება გემო ფესტს და ქუთაისის შემდეგ, ტურიზმის ეროვნულ ადმინისტრაციასთან ერთად, ამჯერად მესტიაში გმასპინძლობთ. მესტიის აეროპორტის განვითარებასთან დაკავშირებით ჩვენ საკმაოდ დიდი და ამბიციური გეგმები გვაქვს. გასტრონომიული ფესტივალთან დაკავშირებით აეროპორტების გაერთიანებამ 4 რეისი დაამატა, რაც ხელს შეუწყობს შიდა და საერთაშორისო მოგზაურების ნაკადების ზრდას ფესტივალზე დასასწრებად. შევხვდებით მესტიაში", - აცხადებს ირაკლი ქარქაშაძე. 24-25 თებერვალს, გემო ფესტი მესტიის ცენტრში გაიმართება, სადაც შეფების და ადგილობრივი მზარეულების მიერ სვანური კულინარიის ახლებური ხედვა იქნება წარმოდგენილი. პროექტის მიზანია რეგიონებში გასტრონომიული ტურიზმის ხელშეწყობა, ადგილობრივი სამზარეულოს პოპულარიზაცია, მეწარმეების/ოჯახების წახალისება, შიდა და საერთაშორისო ტურიზმის სტიმულირება.
35 წლის შემდეგ პირველად, შეერთებულმა შტატებმა ახალი ბირთვული ბომბის შემუშავების გადაწყვეტილება მიიღო
რუსეთის თავდაცვის სამინისტრომ კემეროვოს რეგიონში An-12-ის ჩამოვარდნის შედეგად 19 ადამიანის დაღუპვის შესახებ განაცხადა
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



