გარემოს დაცვისა და სოფლის მეურნეობის სამინისტროში დაცული ტერიტორიების სააგენტოს საკონსულტაციო საბჭოს წევრებთან სამუშაო შეხვედრა გაიმართა.

გარემოს დაცვისა და სოფლის მეურნეობის სამინისტროს ცნობით, სხდომის მონაწილეებმა ბალდის კანიონის განვითარების პროექტის შესახებ იმსჯელეს.

"აღინიშნა, რომ უკვე შეიქმნა სპეციალური დროებითი კომისია და დაკომპლექტდა ჯგუფი, რომელიც ადგილზე მოახდენს კანიონზე მიმდინარე ტურისტული ინფრასტრუქტურის პროექტის ბიომრავალფეროვნებაზე ზეგავლენის შეფასებას. 

გარემოს დაცვისა და სოფლის მეურნეობის მინისტრის ბრძანების საფუძველზე შექმნილ 12 კაციან კომისიაში შედიან სამინისტროს ბიომრავალფეროვნებისა და სატყეო დეპარტამენტის, დაცული ტერიტორიების, ეროვნული სატყეო სააგენტოსა და გარემოს ეროვნული სააგენტოს შესაბამისი კომპეტენციის სპეციალისტები, ასევე, ველზე მომუშავე კავშირ „კამპესეტერის“ და ეკოტურიზმის ასოციაციის წარმომადგენლები, ექსპერტები. კომისიის საქმიანობაში ჩართვა ბალდის კანიონის საკითხით დაინტერესებულ არასამთავრობო ორგანიზაციების წევრებსაც შეუძლიათ. 

შეხვედრაზე საბჭოს წარმომადგენლები დროებითი კომისიის მუშაობის მანდატის შესახებ ინფორმაციას გაეცნენ. აღინიშნა, რომ, უახლოეს პერიოდში, გასვლითი ღონისძიება გაიმართება ბალდის კანიონის ტერიტორიაზე და ადგილზე მოხდება გარემოზე ზემოქმედების ასპექტების გაცნობა. შეფასების ფარგლებში ჩატარდება: ბიომრავალფეროვნების, წყლის/მდინარის, ნიადაგის, ნარჩენების, ხმაურის და სინათლის დაბინძურების საკითხების შესწავლა, პოტენციური ჰიდროლოგიური ცვლილებების განხილვა, როგორც პირდაპირი, ისე არაპირდაპირი ზეგავლენების დადგენა და არსებული მცირე მასშტაბის პროექტის ფარგლებში ბუნების ძეგლზე ბიომრავალფეროვნებაზე მოკლევადიანი და გრძელვადიანი ზემოქმედების საკითხების შეფასება. სამინისტროს მხრიდან გაკეთდა შეთავაზება, საბჭოს წარმომადგენლებმა კომისიის არაწევრის სტატუსითაც მიიღონ მონაწილეობა რეგიონში გასვლით ღონისძიებაში.

გარემოს დაცვის და სოფლის მეურნეობის სამინისტროსთვის მნიშვნელოვანია, ბალდის კანიონის მდგრადი განვითარების უზრუნველყოფა, რაც ხელს შეუწყობს ბიომრავალფეროვნების გრძელვადიან შენარჩუნებას, ადგილობრივებს გაუჩენს დამატებით შემოსავლის წყაროს და რეგიონში კიდევ ერთ ტურისტულად მიმზიდველ ადგილს შექმნის.

სამინისტროში გამართულ შეხვედრას გარემოს დაცვისა და სოფლის მეურნეობის, დაცული ტერიტორიების სააგენტოს, გარემოსდაცვითი ორგანიზაციების წარმომადგენლები, სპეციალისტები, ეკოტურიზმზე მომუშავე ასოციაციები და დამოუკიდებელი ექსპერტები ესწრებოდნენ",- აღნიშნულია ინფორმაციაში. 

ავტორი: NS (სტატია დაფინანსებულია),

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს