თავდაცვის ახალ კოდექსში არსებული შეთავაზება და კარიერული ზრდის შესაძლებლობა, რომელსაც ჩვენ ვაძლევთ ნებისმიერ ადამიანს, რომელიც გადაწყვეტს ემსახუროს საქართველოს, არის ძალიან კარგი. მეორე მხრივ, ძალიან დიდია ის სოციალური პაკეტი, რომლითაც სახელმწიფო ამ ადამიანებს უზრუნველყოფს, - ამის შესახებ საქართველოს თავდაცვის მინისტრმა, ირაკლი ჩიქოვანმა გადაცემა „იმედი Live”-ში განაცხადა.

ჩიქოვანის თქმით, მუშაობის პროცესში კოდექსს მოწინააღმდეგეებიც ჰყავდა, თუმცა კრიტიკოსების მხრიდან უკეთესის შეთავაზება არ ყოფილა.

„ამ კოდექსს ძალიან ბევრი კრიტიკოსი გამოუჩნდა, მაგრამ, გულწრფელად გეტყვით, შეთავაზება უკეთესის არ ყოფილა“, - განაცხადა ჩიქოვანმა. 

მისივე თქმით, ინსტიტუციური მდგრადობის უზრუნველყოფის პროცესში ჩართულია როგორც სამოქალაქო ოფისის, ისე თავდაცვის ძალების სამხედრო მოსამსახურეები.
 
„აღფრთოვანებული ვარ მათი პროფესიონალიზმით, აღფრთოვანებული ვარ ჩვენი თავდაცვის ძალების ისტორიით და ჩემთვის მართლაც საამაყოა, რომ ყველა შემთხვევაში, როდესაც საქართველოს დასჭირდა ამ ადამიანების ერთგულება და პროფესიონალიზმი, ისინი იყვნენ იქ, სადაც სჭირდებოდა სამშობლოს და გააკეთეს ყველაფერი, რაც მათ ძალებში იყო“, - დასძინა თავდაცვის მინისტრმა.

გარდა ამისა, ირაკლი ჩიქოვანმა „თავდაცვის კოდექსით“ გათვალისწინებულ გეგმებზეც გაამახვილა ყურადღება და აღნიშნა, რომ ამ მიმართულებით სხვადასხვა აქტივობა იგეგმება.

ავტორი: NS (სტატია დაფინანსებულია),

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს